රාජපක්ෂවරු විසින් විවිධ කාලවලදී නොයෙකුත් දේ මවා පා ජනතාව භීතියට පත්කිරීමට කටයුතු කරන බව කී අමාත්‍යවරයා මෙම ගිවිසුමද එවැන්නක් යැයි කීය.
ඉන්දියන් සුවසැරිය ගිලන් රථ සේවය පැමිණෙන විටදී ද බිලලකු මවා පෑ බව කී
ඊට පෙර 1988 ජේ.ආර්.ජයවර්ධන ජනාධිපතිවරයාගේ සමයේදී රණසිංහ ප්‍රේමදාස අගමැති වශයෙන් කටයුතු කරද්දී ඉරණවිල ඇමෙරිකන් හඬ ගුවන් විදුලි මධ්‍යස්ථානය පිහිටුවීමේදී ද විපක්ෂයේ ජනතාව නොමග යැවූ බව තී ඇමැතිවරයා පසුගිය 2017 වසරේදී එම සමාගම ගුවන් විදුලි මධ්‍යස්ථානය ඉවත් කර ඉඩම බාදී ගිය බවද සිහිපත් කළේය.
එමෙන්ම ගාලු කොටුව විකිණිම , සිංහරාජය හා සීගිරිය ඇමෙරිකාවට දීම යනාදිය ගැන විපක්ෂය බොරු බිල්ලන් මවා පෑවද ඒ කිසිවක් සිදු නොවණු බවද හෙතෙම කීය.
ඒ අනුව මෙම ගිවිසුමද මේ රටට සම්පතක් වන ගිවිසුමක් වන බව කී ඇමතිවරයා එය කැබිනට් මණ්ඩලයෙන් සම්මත කරගනු ලැබුවේ ලබන දෙසැම්බර් දෙවන සතියේ පැවැත්වෙන එම සමාගමේ අධ්‍යක්ෂ මණ්ඩලවල රැස්වීට පෙර එය කළ යුතුව තිබූ නිසා යැයිද කීය.
කෙසේ වෙතත් මෙම ගිවිසුම බලාත්මක වනුයේ ජනාධිපතිවරණයෙන් පසු පාර්ලිමේනුතුව ඉදිරිපත් කර සම්මත කිරීමෙන් පසුව බවද ඇමැතිවරයා පැවසීය.
කෙසේ වෙතත් මෙම ගිවිසුම බලාත්මක වනුයේ ජනාධිපතිවරණයෙන් පසු පාර්ලිමේන්තුව ඉදිරිපත් කර සම්මත කිරීමෙන් පසුව බවද ඇමැතිවරයා පැවසීය.
මෙම ගිවිසුම අනුව ඇමෙරිකන් ඩොලර් මිලියන 480 ක ප්‍රදානයක් මේ රටට හිමිවන අතර එ මගින් ප්‍රවාහන ව්‍යාපෘතියට රුපියල් මිලියන 63000 ක් ද , ඉඩම් ව්‍යාපෘතිය සඳහා
ප්‍රවාහන ව්‍යාපෘතිය යටතේ නවීන රථ වාහන කළමනාකරණ පද්ධතියට රුපියල් මිලියන 28800 ක්ද බස් ප්‍රවාහන සේවය නවීකරණයට රුපියල් මිලියන 9000 ක් ද තෝරා ගත් ග්‍රාමීය මාර්ග ජාලයේ නවීකරණනයට රුපියල් මිලියන 25200 ක් ද යොදවන බව සමරවීර මහතා කීය.
ඉඩම් ව්‍යාපෘතිය යටතේ ඉඩම් කැබලි මූලික සිතියම් සහ රජයේ ඉඩම් ලේඛන ඩිජිටල්කරණය පුළුල් කිරීම සඳහා රුපියල් මිලියන 4212 ක්ද ඉඩම් තක්සේරු ක්‍රියාවලිය ඩිජිටල්කරණය රුපියල් මිලියන 1170 ක්ද ඉඩම් හිමිකම් වාර්තා ඩිජිටල්කරණය පුළුල් කිරීමට රුපියල් මිලියන 2052 ක් ද ඉඩම් ඔප්පු හිමිකම් සහතික කිරීමේ වැඩසටහන පුළුල් කිරීමට රුපියල් මිලියන 3474 ක් ඉඩම් පරිපාලන හා ප්‍රතිපත්ති සඳහා පර්යේෂණ වලට රුපියල් මිලියන 11286 ක්ද වෙන් කෙරෙන බව මුදල් ඇමතිවරයා පැවසීය.
(ආරියරත්න රණබාහු)
