බස්රථයේ ගමන්ගන්නා මගීන්ට වැදගත් වන පණිවුඩ රැසක් සහිත විඩියෝපට හඳුන්වා දීමටද පියවර ගෙන ඇති බවත් ප්‍රවාහන අමාත්‍යාංශය ඊයේ (24) නිවේදනයක් නිකුත් කරමින් සඳහන් කර සිටියේය.
දැනට මගී ප්‍රවාහනය සඳහා යොදවා ඇති දුර ගමන් සේවා මෙන්ම අනෙකුත් මගී ප්‍රවාහන බස්රථවල ගමන් කරන මගී ජනතාවට එම බස්රථවල අධික ශබ්දයෙන් වාදනය කරන ගීත බරපතළ හිරිහැරයක්ව තිබෙන බවට වාර්තා වී තිබේ. ඒ අනුව ඊයේ (24) පෙරවරුවේ ප්‍රවාහන කළමනාකරණ, විදුලිබල හා බලශක්ති අමාත්‍ය මහින්ද අමරවීර මහතා සමඟ ජාතික ගමනාගමන කොමිසමේ නිලධාරීන්ගේ සහභාගීත්වයෙන් සාකච්ඡාවක් පැවති අතර එහිදී මගී ප්‍රවාහන බස්රථවල වාදනය වන අධික ශබ්දයෙන් යුත් ගීත වෙනුවට සුභාවිත ගීත සමුච්ඡයක් හඳුන්වා දීම සඳහා කටයුතු කරන්නැයි අමාත්‍යවරයා එම කොමිසමට උපදෙස් දුන්නේය. ජාතික ගමනාගමන කොමිසම විසින් සිංහල,
එසේම ඊයේ දින මේ සම්බන්ධව පැවති සාකච්ඡාවේදී අමාත්‍ය මහින්ද අමරවීර මහතා කියා සිටියේ බස්රථවල ගීත වාදනය කළ හැකි උපරිම ඩෙසිබල් ප්‍රමාණය ඒ පිළිබඳව දැනුමක් ඇති විද්වත් මණ්ඩලයක අනුමැතිය සහිතව ප්‍රකාශයට පත් කර එය ක්‍රියාත්මක කිරීම අනිවාර්යය කරන ලෙසයි. දැනට එම බස්රථවල වාදනය කෙරෙන ඇතැම් ගීත නිසා මගීන්ට මහත් අපහසුතාවකට මුහුණ දීමට සිදු වීම පමණක් නොව මගීන් රෝගීන් බවට පත්වන බවද අමාත්‍යවරයා සඳහන් කළේය. ඒ අනුව ජාතික ගමනාගමන කොමිසම විසින් හඳුන්වා දී තිබෙන එම ගීත පමණක් වාදනය කිරීමේ වැඩ පිළිවෙළ 2020 ජනවාරි 01 දින සිට ක්‍රියාත්මක වේ. මීට අමතරව සමාජ ක්‍රියාකාරිකයින් දෙපළක් විසින් බස්රථවල රියදුරන්, කොන්දොස්තරවරුන් මෙන්ම මගී ජනතාවද ධනාත්මක සිතිවිලිවලට යොමු කරන වැඩපිළිවෙළක් සහිත යෝජනාවලියක් අමාත්‍යවරයාට භාරදෙනු ලැබීය. ඒ අනුව මගී ප්‍රවාහන බස්රථවලට සුභාවිත ගීත සහිත සංයුක්ත තැටි ලබා දීමේ වැඩ පිළිවෙළ මෙම මස 31 වැනි දින මාකුඹුර බහුවිධ ප්‍රවාහන මධ්‍යස්ථානයේදී අමාත්‍ය මහින්ද අමරවීර මහතාගේ සහභාගීත්වයෙන් පැවැත්වීමට නියමිතය.
