ශ්‍රී ලංකා කණ්ඩායම භාර වෛද්‍යවරයා ලෙස එහි ගොස් සිටින වෛද්‍ය ලාල් ඒකනායක මහතා පැවැසුවේ ඔවුන් අතුරින් එක් ක්‍රීඩිකාවක අසාධ්‍ය තත්වයෙන් පසුවන හෙයින් ඇය දැඩි සත්කාර ඒකකයේ ප්‍රතිකාර ලබන බවය.
මෙය ඉතාමීත් අවාසනාවන්ත තත්වයක්. මේ ක්‍රීඩක ක්‍රීඩිකාවන් 13 දෙනාගෙන් වැඩි දෙනෙක් මලල ක්‍රීඩක ක්‍රීඩිකාවෝ.
රන් පදක්කම් සහ රිදී පදක්කමක් දිනාගත් මලල ක්‍රීඩිකාවක වන අමාශා ද සිල්වා ඩෙංගු උණ හේතුවෙන් පෙරේදා (07) රෝහල්ගත කරනු ලැබුවාය. මේ අතර මලල ක්‍රීඩා කණ්ඩායම් පුහුණුකරුවන් දෙදෙනෙකුටද ඩෙංගු රෝගය වැළඳී ඇතැයි සැක පළකෙරෙයි. ඔවුන් තිදෙනාටම උණ වැළඳී තිබිණි. උද්ගතවී ඇති තත්ත්වය ගැන වැඩිදුරටත් අදහස් දැක්වූ වෛද්‍ය ලාල් ඒකනායක මහතා මෙසේද කීය. නේපාලයේ සෞඛ්‍ය බලධාරින්ට ඩෙංගු වගේ සාගත රෝගී තත්ත්වයකට මුහුණ දෙන්න කිසිම සුදානක් තිබුණේ නෑ. මොකද ඔවුන්ට මේ වගේ රෝගින් හමුවෙන්නේ ඉතාම කලාතුරකින්.
'අපට තියෙන ප්‍රධානතම ප්‍රශ්නයත් ඒකමයි' එනිසා නේපාලයේ සෞඛ්‍ය නිලධාරින් සමග කළ සාකච්ඡාවලින් පසුව කොළඹ සිටින වෛද්‍ය කණ්ඩායමක සහාය ලබාගැනීමට නේපාලයේ අනුමැතිය ලැබී තිබෙනවා. ඒ අනුව මෙය ආනන්ද විජේවික්‍රම මහතා ප්‍රධාන වෛද්‍ය කණ්ඩායමක් වීඩියෝ දුරකථන මඟින් නේපාලයේ සිටින වෛද්‍යවරුන් සහ ක්‍රීඩක ක්‍රීඩිකාවන් හා සම්බන්ධවේවි. ඒ අනුව මෙම ක්‍රීඩක ක්‍රීඩිකාවන්ට වැඩිදුර ප්‍රතිකාර කිරිමට නියමිතය. මේ අතර නදීෂා රාමනායක සහ බිමන්දි බණ්ඩාර දෙදෙනාගේ තත්වය සුව අතට හැරෙමින් තිබෙන බව වාර්තාවේ.
