සම්පත් බැංකුවේ හා සෙල්ටෙල් සමාගමේ ආරම්භක ප්‍රධානියෙකු වන අයිඩබ්ලිව්එස් සමූහයේ අධ්‍යක්ෂ ආතර් සේනානායක මහතා මෙබදු පින්කම් වලට මින් ඉහත දායකවූවෙකු වන නමුත් රුවන්වැලි සෑයේ මේ පින්කමට ඔහු දායකවී නැත.
මින් ඉහත 2013 දී මිහින්තලා සෑයේ චූඩා මාණික්‍යයටත් 2016 සෙල්ල කතරගම කරිවිලේ වතුරුවා සෑයේ චූඩා මාණික්‍යය වෙනුවෙනුත් ආතර් සේනානායක මහතා දායකවූ බව ඇත්තකි. අකාලයේ ඩෙංගු රෝගයෙන් මියගිය ඔහුගේ පුතු වෙනුවෙන් එම පින්කම් සිදු කර තිබුණි.
නම් ගම් ප්‍රසිද්ධ කර වෙනම ඒ තුළින් ප්‍රතිරූපයක් මවාගන්නට අවශ්‍ය නැති නිසා ඔහු මේ වෙනුවෙන් මාධ්‍ය ඉදිරියට පැමිණ ප්‍රචාරණයට උනන්දුවක් දක්වා තිබුනේ නැත.
නමුත් දිගින් දිගටම නොදන්නා පුද්ගලයින්ගේ වැරදි ප්‍රචාරයකට මෙම කාරණාව ලක්වීම නිසා මේ ගැන පැහැදිලි කිරීමට රුවන්වැලි සෑයේ විහාරාධිපති පල්ලෙගම හේමරතන ස්වාමීන් වහන්සේට මාධ්‍ය නිවේදනයක් නිකුත් කරන්නටද සිදුව තිබේ.
මේ සමග එය පළවේ.
