වසර දහයක සේවා කාලය සම්පූර්ණ කර උසස්වීම් සඳහා සුදුසුකම් ලබා ඇති පොලිස් නිලධාරීන් උසස් කිරීම සඳහා අනුමැතිය ඉල්ලා තමන් දැනටමත් කැබිනට් පත්‍රිකාවක් ඉදිරිපත් කර ඇති බව ආරක්ෂක රාජ්‍ය අමාත්‍ය චමල් රාජපක්ෂ මහතා පවසයි.
“චෝදනා සැකසීමේ මනා දැනුමක් ඇති නිලධාරීන් එම ඒකකයට යොමුකරලා තියෙනවා. ප්‍රතිවාදී දේශපාලනඥයන් අත්අඩංගුවට ගැනීම සම්බන්ධයෙන් ඒකකයට උපදෙස් දීම සඳහා අග්‍රාමාත්‍යවරයා සහ අමාත්‍යවරුන් සහ පාර්ලිමේන්තු මන්ත්‍රීවරුන් කිහිප දෙනෙකුගෙන් සමන්විත ජාතික සභාවක් පිහිටුවා තිබුණා. අද පොලිසිය ඇඟිලි ගැසීම් වලින් තොරයි. හිටපු අමාත්‍ය චම්පික රණවක අත්අඩංගුවට ගැනීම දේශපාලන හිංසනයක් නොවේ. ඔහුට එරෙහිව නඩුවක් තිබේ, ”රාජ්‍ය අමාත්‍යවරයා පැවසීය.
