පුද්ගලයින් පවසා ඇත්තේ හිටපු ඇමැතිවරයා මෙම කිසිම නිවසකට මේ දක්වා නොපැමිණි බවය.
නිවැසියන්ගෙන් සිදුකළ විමසීම්වලදීද රාජිත සේනාරත්න මහතා ආගිය අතක් පිළිබඳ නිශ්චිත තොරතුරක් පොලිසියට ලැබී නොමැති අතර ඒ අනුව ඔහු අත්අඩංගුවට ගැනීම ව්‍යර්ථ වීම නිසා අදාළ නිලධාරීන් ආපසු පැමිණ තිබේ.
මේ අතර මාධ්‍ය මගින් චතුර සේනාරත්න මහතාගේ ජංගම දුරකථනය ඇමතීමේදී එයට පිළිතුරු දුන් පුද්ගලයකු පැවසුවේ චතුර සේනාරත්න මහතාගේ දුරකථනය තමන්ගේ දුරකථනයට සම්බන්ධ කර තිබෙන බවත් ඔහු සිටින්නේ කොහේදැයිද තමන් නොදන්නා බවත්ය.
අපරාධ පරීක්ෂණ දෙපාර්තමේන්තුව ඊයේ (25 දා) දිනය පුරා හිටපු ඇමැති රාජිත සේනාරත්න මහතා අත්අඩංගුවට ගැනීම සඳහා දරනු ලැබූ සියලූ උත්සාහයන් ව්‍යර්ථ වී තිබිණි.
තමන් අත්අඩංගුවට ගැනීම වළක්වන ලෙස ඉල්ලා හිටපු ඇමැති රාජිත සේනාරත්න මහතා කොළඹ මහෙස්ත‍්‍රාත් අධිකරණයට තුන්වැනි වරට ඉදිරිපත් කළ අපේක්‍ෂිත ඇප අයැදුම ලබන 30 වැනිදා සලකා බැලීමට නියමිතය.
