මෙවර ශ්‍රී පාද වන්දනා වාරයේදි ශ්‍රී පාද වන්දනාකරුන්ගේ ආරක්ෂාව සහ ඔවුන්ට අවශ්‍ය පොදු පහසුකම් සැළසීමට අදාල කටයුතු අවශ්‍ය ආයතන සමග සම්බන්ධවෙමින් සිදුකරණ බවත්, වන්දනාකරුවන් විසින් ශ්‍රීපාද රක්ෂිතය ඇතුලු පරිසරයට මුදා හරින ප්ලාස්ටික් අපද්‍රව්‍ය නල්තන්නිය ශ්‍රී පාද මාර්ගයේ ස්ථාන කිහිපයකම එක් රැස් කර ඒවා ප්‍රතිචක්‍රීයකරණය කිරීමට අවශ්‍ය කටයුතු සිදුකිරීමට සැළසුම් කරමින් පවතින බවත්, නුවරඑළිය දිස්ත්‍රික් ලේකම්වරයා පැවසීය.
ශ්‍රී පාදස්ථානායේ ගෞරවය ආරක්ෂාකරමින්, මෙම පුණ්‍ය භුමිය සහිත අති සංවේදී පරිසර කලාපය මතු පරපුර සඳහා ආරක්ෂා කිරීමට වන්දනාකරුවන්ගෙන් ලැබෙන සහයෝගය වැදගත් බවද දිස්ත්‍රික් ලේකම්වරයා වැඩි දුරටත් පැවසිය.
(ඡායාරූප හා සටහන-මස්කෙළිය ගාමිණී බණ්ඩාර ඉලංගන්තිලක)
