මෙම නිලධාරිනිය රහස් පොලිසියට කට උත්තරයක් ලබාදී පිටවන අවස්ථා වාර්තා කිරීමට සියලුම මාධ්‍ය විශේෂ උනන්දුවකින් කටයුතු කළ අතර ඇය රෙදිකඩකින් මුහුණ වසා එද්දී
රෙදි කඩ අස්සේ මුහුණ කෙසේ හෝ නිරාවරණය කිරීමේ අටියෙන් මාධ්‍ය කැපවී ක්‍රියාකරනු දක්නට ලැබුණි.
එසේම ඇයගෙන් ප්‍රකාශයක් ලබාගන්නට මාධ්‍ය දැරූ උත්සාහය වැළකී ගිය නමුත් ඒ වෙනුවෙන් කිසියම් නියෝජිතයෙකු පැමිණ ඇය ඊට පසුදින මාධ්‍ය හමුවක් පවත්වන බව පවසා බාන්ස් පෙදෙසේ
එහිදී මාධ්‍යවේදීන්ට ලබාදුන් ස්ථානයට ගිය නමුත් එහි කිසිම මාධ්‍ය හමුවක් නැති බවත් කාගේදෝ වැරදි ලිපිනයක් ලබාදී ඇති බවත් පෙන්වන ලදි.
මේ අතර එක් රූපවාහිනී නාලිකාවකින් එම ඔත්තුව දුන් පුද්ගලයාගේ වාහනයේ අංකය ඔස්සේ ලිපිනයක් සොයාගෙන ගොස් තිබූ අතර එහිදී අනාවරණයවී ඇත්තේ හිටපු එජාපයේ සංවිධායකයෙකුට කැලණියේ ඇති ලිපිනයක් ගැනය. මෙම නිලධාරිනිය කැලණියේ එජාප බලවතාගේ ලේලියක බවද පවසමින් ඒ ඔස්සේ තානාපති නිලධාරිනිය ගැන වැඩි තොරතුරු සොයන්නට ඔවුන් වෙහෙස දරා තිබුණි.
මේ අතර අද පළවූ තවත් පුවතකින් කියැවුනේ මෙම නිලධාරිනිය ද්‍රවිඩ ජාතිකයෙකු ලෙස නම මාරුකරගත් සිංහල බෞද්ධ කාන්තාවක බවයි. එසේම ස්විස් තානාපතිවරයා රටින් පළාගොස් ඇති බවත් වෙනත් කෙනෙකු වැඩ බලන්නට පත් කර ඇති බවත් එක් මාධ්‍යයකින් තොරතුරු කියා තිබේ.
මෙම මාධ්‍ය මෙහෙයුම මගින් අපේක්ෂා කරන්නේ තානාපති නිලධාරිනිය ව්‍යාජ රංගනයක නිරතවූ බවට ඒත්තු ගැන්වීමේ සාක්ෂි ගොනු කිරීම බව පැහැදිලිය.
මේ අතර තානාපති නිලධාරිනියට විදෙස් ගමන් තහනම් කර පැනවූ තහනමද මේවනවිට තවදුරටත් අධිකරණය මගින් දීර්ඝකර ඇති අතර තෙවැනි දිනටත් ඇය අද රහස් පොලිසියට පැමිණ කට උත්තර ලබාදුන් බවද වාර්තා විය.
