වැලිකඩ සිට අඟුණකොළපෑළැස්ස බන්ධනාගාරයට මාරු කර එවූ ජීවිතාන්තය දක්වා සිර දඩුවම් නියම වී සිටින රැඳවියක පරීක්ෂා කිරීමේදී ඇය සතුව තිබූ සබන් කැටයක් තුළට සූක්ෂම ලෙස ඇතුළු කර තිබූ බ්ලේඩ්
තලයක් සොයාගැනීමට

පොලිස් විශේෂ කාර්යය බළකා නිලධාරීහූ ඊයේ(12) සමත්වූහ.

මෙලෙස වැලිකඩ බන්ධනාගාරයේ සිට අඟුණකොළපෑලැස්ස බන්ධනාගාරයට මාරු කර එවා තිබුණේ  මත්කුඩු සම්බන්ධයෙන් ජීවිතාන්තය දක්වා සිර දඩුවම් නියම වී සිටි ත්‍රිකුණාමලය ප්‍රදේශයේ පදිංචි කාන්තාවකි.

මෙම කාන්තාව ඊයේ (12) වැලිකඩ බන්ධනාගාරයේ සිට අඟුණකොළපෑලැස්ස බන්ධනාගාරය වෙත මාරු කර එවා ඇති අතර පොලිස් විශේෂ කාර්යය බළකා නිලධාරීන් විසින් මෙම කාන්තාව අඟුණකොළපෑළැස්ස බන්ධනාගාරයේ පිවිසුම් දොරටුවේදී විශේෂ පරීක්ෂාවකට ලක්කර ඇත.

(අනීෂා මානගේ)