6ක සේවා කාලයකින් පසු මාරුවීම් ලබා වෙනත් පාසලකට යාම නීතිය වුවද ඇතැම් ජනප්‍රිය පාසල්වල විදුහල්පතිවරුන් විවිධ බලපෑම් කරමින් එකම පාසලේ කටයුතු කරමින් සිටින බව ද එම නිසා දක්ෂතා සහිත නියෝජ්‍ය විදුහල්පතිවරුන්ට සහ නවක විදුහල්පතිවරුන්ට අවස්ථා අහිමි වී ඇතැයි ද එම සංගමය පවසයි.
මේ අතර කොළඹ ජනප්‍රිය බාලිකා පාසල් කීපයක විදුහල්පතිනියන්ට මූල්‍ය අක්‍රමිකතා චෝදනා එල්ල වී ඇතැයි ද ඔවුන් එකම පාසලේ දිගින් දිගටම කටයුතු කරමින් සිටින බව ද කළ සොයා බැලීමකදී අනාවරණය විය.අධ්‍යාපන ලේකම්වරයාගේ සහ අනෙකුත් උසස් නිලධාරිගේ නොතකා කොළඹ ජනප්‍රිය පාසලක විදුහල්පතිනියක් ඉකුත් කාලයේ පාසලට සිසුවියන් කිහිපදෙනකු ඇතුළත් කරගෙන ඇති බව ද වාර්තා වේ.
මෙම විදුහල්පතිනිය දිගින් දිගටම දරදඬු අයුරින් කටයුතු කරමින් සිටින අතර නියෝජ්‍ය විදුහල්පතිනියන්ට පවා කිසිදු අවස්ථාවක් ලබා නොදෙන බවට ද චෝදනා එල්ල වී ඇත. මේ වනවිට ජාතික පාසල් ගුරු මාරු මණ්ඩල ක්‍රියාත්මක වන නමුත් ස්ථාන මාරුකර තිබෙන ඇතැම් ගුරුවරුන් ඒවා ප්‍රතික්ෂේප කරමින් කටයුතු කරන බව ද පැවසේ. තවත් ගුරුවරුන් පිරිසක් ස්ථාන මාරු ලබුව ද එම ගුරුවරුන් අනුයුක්තියක් මත නැවත පැරැණි පාසලේ කටයුතු කරමින් සිටින බව ද වාර්තා වේ.
