පවතින තත්වය නිසා ඊයේ (29දා) දිනයේදී රෝහල් කනිෂ්ඨ කාර්යමණ්ඩලවල පැමිණීම ඉතා විශාල ලෙස අඩු වී තිබූ බවත්, මේ නිසා කනිෂ්ඨ කාර්යමණ්ඩල කටයුතු වෛද්‍යවරුන්ට සිදුකිරීමට සිදු වූ බවත් වාර්ත වේ.
කොරෝනා වෙරසය පිළිබඳ අනතුරුදායක තත්වයක් ඇති වුවහොත්
ජාතික උණ රෝහලේ කනිෂ්ඨ කාර්යමණ්ඩල ඊයේ සේවයට වාර්තා නොකිරීම නිසා ගැටලු ගණනාවක් ඇති වූ බවත්, මේ නිසා ඔවුන්ට පහසුකම් ලබාදෙන ලෙස ඊයේ (29දා) දින සෞඛ්‍ය සේවා අධ්‍යක්‍ෂ ජනරාල්වරයාගෙන් ලිඛිතව ඉල්ලා සිටි බවත් රජයේ වෛද්‍ය නිලධාරින්ගේ සංගමයේ ලේකම් වෛද්‍ය හරිත අලුත්ගේ මහතා පැවසීය.
මීට අමතරව හෙද නිලධාරින්ගේ ආරක්‍ෂවට අවශ්‍ය වන ආරක්ෂිත ඇඳුම් හා උපකරණ නොමැති බව සමස්ත ලංකා හෙද සංගමය පවසා සිටියි.
මේ නිසා අංගොඩ ජාතික උණ රෝහල තුළ හා නම් කර තිබෙන අනෙකුත් රෝහල් 11 සේවය කරන හෙද නිලධාරීන්ට අවශ්‍ය ආරක්ෂිත ඇඳුම් හා උපකරණ ලබාදෙන ලෙස සෞඛ්‍ය සේවා අධ්‍යක්‍ෂක ජනරාල්වරයාගෙන් ඊයේ (29දා) දින ලිඛිතව ඉල්ලා සිටින බව එම සංගමයේ සභාපති හෙද නිලධාරී එස්.බී. මැදිවත්ත මහතා පැවසීය.
රෝහල්ගත වන රෝගියාට අවශ්‍ය සියලු සත්කාර කටයුතු හෙද නිලධාරීන් විසින් සිදුකරන බවත්, මේ නිසා ආරක්ෂිත ඇඳුම් හා උපකරණ ලබාදීම කඩිනම් කළ යුතු බවත් හෙතෙම පවසා සිටියේය.
ඉන්දික හේවාවිතාරණ
