පවත්වාගෙන යෑම වළකාලමින් 2015-2012 කාලය තුළ සිදුවී ඇතැයි කියන දේශපාලන පලිගැනීම විමර්ශනය කරන ජනාධිපති පරික්ෂණ කොමිෂන් සභාව නියෝගයක් නිකුත් කර ඇත.
දේශපාලන බලපෑම මත තමන්ට එරෙහිව ත්‍රිපුද්ගල මහාධිකරණයේ පවරා ඇති අංක HC(TAB)/1448/2020 දරන නඩුවට අදාළ කටයුතු නීතිපති දෙපාර්තමේන්තුව මගින් ඉදිරියට පවත්වාගෙන ගියහොත් තමන්ට ඉමහත් අගතියක් සිදුවන බවට වසන්ත කරන්නාගොඩ සහ ඩී.කේ.පී. දසනායක යන මහත්වරුන් කොමිසමට ඉදිරිපත් කර ඇති පැමිණිලිවල විභාගය අවසන් කර කොමිසමේ නිර්දේශය
2015 ජනවාරි 08 වැනිදාත් 2012 නොවැම්බර් 16 වැනිදාත් අතර කාලය තුළ සිදුවී ඇතැයි කියන දේශපාලන පලිගැනීම් පිළිබදව පරික්ෂකොට තොරතුරු ලබාගැනීම සදහා පත්කළ මෙම ජනාධිපති පරික්ෂණ කොමිසමේ සාමාජිකයින් වන්නේ විශ්‍රාමික ශ්‍රේෂ්ඨාධිකරණ විනිසුරු උපාලි අබේරත්න (සභාපති),විශ්‍රාමික අභියාචනාධිකරණ විනිසුරු චන්ද්‍රා ජයතිලක හා විශ්‍රාමික පොලිස්පති චන්ද්‍රා ප්‍රනාන්දු යන මහත්වරුන්ය. වසන්ත කරන්නාගොඩ සහ ඩී.කේ.පි. දසනායක යන මහත්වරුන්ට එරෙහි නඩුවේ විභාගය අත්හිටුවමින් කොමිසමෙන් නිකුත් කර ඇති නිවේදනයේ මෙසේ ද සඳහන් වෙයි.
මේ කොමිෂන් සභාව වෙත අංක 01/2020 වශයෙන් ලැබී ඇති මුල් පැමිණිල්ල ශ්‍රී ලංකා නාවුක හමුදාවේ අද්මිරාල් වසන්ත කරන්නාගොඩ මහතා සහ රියර් අද්මිරාල් ඩි.කේ.පී. දසනායක මහතා විසින් 2020.01.22 වන දින ඉදිරිපත් කර එම පැමිණිල්ල 2020.1.23 වන දින කොමිෂන් සභාව ඉදිරියේ විමර්ශනයට භාජනය කොට එම පැමිණිලෙන් ඉල්ලා තිබූ පරිදි එකී පැමිණිලිකරුවන්ට දේශපාලන බලපෑම් මත අධිකරණය ඉදිරියේ නීති කෘතින් ආරම්භ කිරිම ක්‍රියාවලියට චුදිතයන් වී ඇති බවට කොමිෂන් සභාව දැඩි ලෙස අවධානයට ලක් කර ඇත.
ඒ අනුව 2020.1.22 වන දින අංක 2159/16 දරන අති විශේෂ ගැසට් පත්‍රය සංශෝධිත 2020.1.9 වන දින
ඉහත කරුණු මත පැමිණිලිකරුවන් දෙදෙනාගේ පැමිණිලිවලට අදාළ සාක්ෂි චිභාග අවසන් කර මෙම කොමිෂන් සභාව විසින් ජනාධිපතිතුමා වෙත මෙම කොමිෂන් සභාවේ නිර්දේශ ඉදිරිපත් කරන තෙක් ත්‍රිපුද්ගල මහාධිකරණයේ පැවැත්වෙන අංක HC(TAB)/1448/2020 දරන නඩුවේ විත්තිකරුවන්ට එරෙහිව තවදුරටත් ඉදිරියට එකි මහාධිකරණයේ නඩු විභාග පවත්වාගෙන යාම සහ ඊට අදාළ සාක්ෂිකරුවන් ඉදිරිපත් කර ඔවුන්ගේ සාක්ෂි විභාග කිරීම සඳහා කටයුතු සම්පාදනය කිරීම වලක්වාලමින් ශ්‍රී ලංකා ප්‍රජාතන්ත්‍රික සමාජවාදී ජනරජයේ නීතිපතිවරයා සහ/හෝ ඔහු වෙනුවෙන් බලය පවරනු ලැබූ වෙනත් කිසිදු නිලධාරියෙකු මෙම නියෝගය මගින් එලස් කිරීමක් වාරය කිරීමට කොමිෂන් සභාව ඒකමතිකව තීරණය කර ඇත.
ඒ අනුව නැවත කොමිෂන් සභාවේ නියෝගය හෝ නිරිදේශය ලැබෙන තෙක් ඉහත අංක දරන නඩු මහාධිකරණයේ පවත්වාගෙන යාම සම්බන්ධව කිසිදු කටයුත්තක් නීතිපතිවරයා හෝ ඔහුගේ බලයලත් නිලධාරියෙකු විසින් සිදු නොකළ යුතු බවට කොමිෂන් සභාව නීතිපතිවරයාට නියම කරන ලදී. මෙම නියෝගය වහාම නීතිපතිවරයා වෙත දැනුම්දීමට ද කොමිෂන් සභාව නියෝග කළ අතර එම නියෝගය 2020.1.23 වන දිනම නීතිපති දෙපාර්තමේන්තුවට භාරදීමට කොමිෂන් සභාව කටයුතු කර ඇති බව ආරංචිමාර්ග සඳහන් කරයි.
-මනෝප්‍රිය ගුණසේකර
