මෙම තරුණ කාන්තාවන් ඉලක්ක කරගනිමින් මෙම ජාවාරම සිදුවන අතර මේ පිටුපස ප්‍රධාන පෙළේ විදේශ රැකියා ඒජන්සි රැසක්ම සින බවට තොරතුරු වාර්තා වේ.
තරුණියන් විදේශගත කිරීමේදී ඔවුන්ට සැබෑ තත්වය වසන් කොට කාර්යාලයීය සේවයට හා ගෘහ සේවයට ඔවුන් යොමු කරන බව පැවැසුවද ඇත්ත වශයෙන්ම ඔවුන් මාස තුනක කාලයක් සඳහා ලිංගික සේවයට යොමු කිරීමක් මෙහිදී සිදුවේ. එම කාන්තාවන්ට ශාරීරික වශයෙන් බරපතළ හිසා සිදුකර ඇත.
මැදපෙරදිග රැකියා සඳහා යැයි පවසා තෝරා ගත්තා කන්තාවන් සංචාරක වීසා මත මැදපෙරදිග රටවලට යැවීම සිදුවන අතර එලෙස තෝරාගන්නා කාන්තාවන්ගේ සියලු වියදම්ද දරන්නේ අදාළ රැකියා ඒජන්සි සහ තැරැව්කරුවන් විසින්ය.
ඒ අනුව බැලූ බැල්මට එම කාන්තාවන්ට මේ සඳහා පෞද්ගලීකාව වියදමක් දරන්නට සිදුවන්නේ නැත. ඉන්දියාවේ සංචාරයක් සඳහා යන මුවාවෙන් විසා ලබාගෙන ගුවන් තොටුපොළට ඇතුළු වෙන ජාවාරම්කරුවෝ කලින් මැදපෙරදිග රටවල් සඳහා ලබාගත් වීසා තෝරාගත් කාන්තාවන්ට ලබා දෙනු ලැබේ.
මේ ආකාරයට ගුවන් තොටුපොළේ සේවය කරන පිරිසක වෙතින් ලබාගෙන මැදපෙරදිග රටවලට තරුණ කාන්තාවන් යවා ඇත්හත් සංචාරක වීසා වලිනි.
මෙසේ කූට අන්දමින් මිනිස් ජාවාරමේ යෙදෙන තැරැවිකරුවන්ට හසුවූ කාන්තාවන් 80ක් පමණ ඕමාන්වලද 50ක් පමණ ඩුබායිවලද සිටින බවට වාර්තා වේ.
මේ ආකාරයටම මැදපෙරදිගට යවන එක් කාන්තාවක් වෙනුවෙන් තැරැවිකරුවකුට රුපියලක්ෂ 5සිට 10 දක්වා මුදලක්ද ගෙවන බවට තොරතුරු ලැබී තිබේ.
මේ මිනිස් ජාවාරම පිළිබඳව තොරතුරු වාර්තාවීමත් සමඟ අදාළ අංශ වහා ක්‍රියාත්මක වී පරික්ෂණ කටයුතු ආරම්භ කර ඇත.
ප්‍රගීත් සම්පත් කරුණාතිලක
