රටාවට හුරු වියයුතු බවත්, වැරදි ආහාර ප්‍රතිපත්තිය නිසා ජනතාවගේ නිරෝගීකම ක්‍රම ක්‍රමයෙන් ඇත්වෙමින් තිබෙන බවත් ඔහු පවසා සිටියේය. ජනතාවගේ සෞඛ්‍යය රැකගැනීම සඳහා වසවිසෙන් තොර ආහාර සහතික කරන වැඩපිළිවෙළක් මේ වසර තුළ ආරම්භ කිරීමට රජය කටයුතු කළ යුතු බවත්, මීට අමතරව සියලුම පාසල් හා සියලුම ආයතන ඉදිරිපිට තැඹිලි අලෙවි කරන වෙළදසලක් හෝ ආරම්භ කළ යුතු බවත් ඒ මහතා පවසා සිටියේය.
ලංකාව තුළ මියයන ප්‍රමාණයෙන් 70%ක් මියයන්නේ දියවැඩියාව, හෘදරෝග පිළිකා වැනි බෝ නොවන රෝගවලින් බවත්,
වසරක් පාසා මෙම තත්ත්වය ඉහළ යමින් තිබෙන බවත්, මේ නිසා අසුබ ආහාර සංස්කෘතියෙන් ඉවත් වී පාරම්පරීක ආහාර රටාවකට ජනතාව හුරුවිය යුතු බවත් වෛද්‍යවරයා සඳහන් කළේය. පවතින තත්ත්වය නිසා දෙමාපියන්ට කලින් දරුවන් මියයන තත්ත්වයක් උදාවෙමින් තිබෙන බවත්, වසවිසෙන් තොර ආහාරපාන ලබාගැනීමට කටයුතු කළහොත් 2021 වසර සුබම සුබ වසරක් කරගත හැකි බවත්, ගෙවීගිය කාලයේ සෑම වසරකම සුබ නව වසරක් බව කියමින් සුබ පතාගත්තද එවැනි සුබ තත්ත්වයක් ඇති වී නොමැති බවද අනුරුද්ධ පාදෙණිය මහතා සඳහන් කළේය.
-ඉන්දිකා හේවාවිතාරණ-
