පොලිස් බුද්ධි අංශ යොදවා ඇතැයි පොලිස් මූලස්ථාන ආරංචිමාර්ග පවසයි. පොලිස් බුද්ධි අංශ නිලධාරින් එවැනි දර්ශන සිද්ධීන් වීඩියෝ සහ ඡායාරූප ගතකර එම සිසුන්ට එරෙහිව නීතිය ක්‍රියාත්මක කරන බව පොලිස් මූලස්ථානයේ උසස් නිලධාරියෙක් පැවසීය. වාර්ෂිකව පැවැත්වෙන මෙම අන්තර් පාඨශාලා තරගවල දී සිසුන්ගේ හැසිරීම සම්බන්ධයෙන් පැමිණිලි පොලිසියට ලැබෙන බවත් ඇතැම් සිසුන්, මත්පැන් මන්ද්‍රව්‍ය භාවිත කරමින් නීති විරෝධී ක්‍රියාවල නිරත වන බවට පැමිණිලි ලැබෙන බවත්
පොලිසිය සඳහන් කරයි.
කොළඹ ප්‍රසිද්ධ පාසල් දෙකක් අතර අන්තර් පාඨශාලා ක්‍රිකට් තරගය හෙට (27) දිනයේ ආරම්භ වීමට නියමිතව ඇති අතර පොලිස් නිලධාරීන් එම පාසල් දෙකේ, විදුහල්පතිවරුන්, ආදි සිසුන්, සිසුන් ඇතුළු පිරිසට මීට අදාළ උපදෙස් ලබා දී ඇති බව ද මූලස්ථානය සඳහන් කරයි. මෙම විශේෂ වැඩසටහන
ඉදිරියේ දී බස්නාහිර පළාත තුළ ක්‍රියාත්මක කරන බව ද පොලිස් මූලස්ථානය වැඩිදුරටත් පැවසීය.
-ඉන්දිකා රාමනායක-
