නිලධාරියකු පැවැසීය.
ඝාතකයන් හොරණ ඉලිඹ කොස්වත්ත පාරේ පදිංචිව සිටි 32 හැවිරිදි වන්නිගේ හේමන්ත චතුරංග නමැති ත්‍රීරෝද රියැදුරුට වෙඩි තබා ඝාතනය කර තිබූ අතර, ඉලිඹ කන්දේකඩේ ප්‍රදේශයේ පදිංචි අනුර රණසිංහ නමැති ත්‍රිරෝද රියැදුරුගේ නිවස ඉදිරිපිටට ගොස් ඔහුගේ ද නම පවසා අඬගසා ඔහු පිටතට නොපැමිණි බැවින් වෙඩි ප්‍රහාර රැසක් එල්ලකර පලාගොස් තිබූ බව පොලිසිය කියයි.
එම පුද්ගලයන් සම්බන්ධයෙන් පොලිස් විශේෂ කාර්ය බළකායට ඔත්තු ලබාදුන් බවට සැකයෙන් මෙම ඝාතනය සිදු කර ඇති බවට මේ වන විට සිදුකළ පරීක්ෂණ වලදී තහවුරු වී ඇතැයි පොලිස් නිලධාරියා පැවැසීය.
ඒ සඳහා එම කණ්ඩායමේ කිහිපදෙනකු සහභාගී වී ඇතැයිද ගිනි අවිය සපයාගෙන ඇත්තේ මේ වනවිට මත්කුඩු චෝදනාවකට සිරගතව සිටින අන්ධ පුද්ගලයකු හරහා යැයිද තොරතුරු ලැබී ඇතැයි උසස් පොලිස් නිලධාරියා කීය.
ඝාතනයට ලක්වූ රියැදුරුට වෙඩි තැබීමෙන් පසු ඔහු නිශ්චිත ලෙස ඝාතනය වී ඇත්දැයි දැන ගැනීම සඳහා වෙඩි තැබීමට පැමිණි පුද්ගලයකු යතුරුපැදියකින් එම ස්ථානයට පැමිණ තොරතුරු සොයා පිටව ගොස් ඇති බව පොලිස් ආරංචි මාර්ග සඳහන් කරයි.
සැකකරුවන් අත්අඩංගුවට ගැනීම සඳහා හොරණ පොලීසියට අමතරව කොළඹ අපරාධ කොට්ඨාසයද පරීක්ෂණ පවත්වයි.
-එම්.සී.පෙරේරා-
