ගැනීමට කැලණිය කොට්ඨාස අපරාධ විමර්ශන අංශයේ ස්ථානාධිපති පො.ප. ලින්ටන් ද සිල්වා මහතා ඇතුළු නිලධාරීන් කණ්ඩායමක් සමත් විය.
කොස්තාපල්වරයා පැහැරගෙන ගොස් තියුණු ආයුධවලින් පහරදී කෲර අන්දමින් ඝාතනය කර ඔහුගේ සිරුර පන්නල, වේරහැර, බුලුගොඩ ප්‍රදේශයේ ලඳු කැලෑවක සඟවා තිබියදී පසුගිය 21වැනිදා සොයාගෙන තිබූ අතර එම පැහැර ගැනීම සහ ඝාතනය කිරීම සම්බන්ධයෙන් බන්ටියා සහ සුද්දා යන අන්වර්ථ නාමයෙන් හඳුන්වන සැකකරුවන් දෙදෙනා සහ එම මළසිරුර සැඟවීමට සහාය දුන් මංජු නමැත්තා පසුගිය 20 වැනිදා කැලණිය කොට්ඨාස අපරාධ විමර්ශන අංශය මඟින් අත්අඩංගුවට ගෙන තිබුණි.
අනියම් සම්බන්ධය පැවැත්වූ 47 හැවිරිදි කාන්තාව සමඟ අත්අඩංගුවට පත් 25 හැවිරිදි එක්දරු මව මළසිරුර සැඟවීමට ආධාර අනුබල දුන් මංජු නමැත්තාගේ බිරිඳ බවත් පොලීසිය පවසයි. සැකකරුවන් තිදෙනාම මහර අධිකරණයට ඉදිරිපත් කිරීමෙන් අනතුරුව ඊයේ (23දා) දක්වා රැඳවුම් නියෝග ලබාගෙන තිබුණි. සැකකරුවන් තිදෙනා සහ සැකකාරියන් දෙදෙනාව කිරිබත්ගොඩ පොලීසිය මඟින් ඊයේ (23දා) මහර මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි.
බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන්, කැලණිය කොට්ඨාසය භාර පොලිස් අධිකාරී රොෂාන් ඩයස්, කැලණිය සහකාර පොලිස් අධිකාරී චන්දන ලියනගේ යන මහත්වරුන්ගේ අධීක්ෂණය යටතේ කැලණිය කොට්ඨාස අපරාධ විමර්ශන අංශයේ ස්ථානාධිපති පොලිස් පරීක්ෂක ලින්ටන්ද සිල්වා සහ එම කොට්ඨාසයේ සැරයන්වරුන් වන ධර්මසිරි, අබේනායක, ජයසුන්දර, කොස්තාපල්වරුන් වන හෙන්නනායක, සහ සරත් යන නිලධාරීන් සමඟ කිරිබත්ගොඩ පොලීසියේ අපරාධ විමර්ශන අංශයේ ස්ථානාධිපති පො.ප. සඳනුවන්, පෑලියගොඩ පොලීසියේ උප.පො.ප. රදලගේ යන නිලධාරීහු වැඩිදුර පරීක්ෂණ සිදුකරති.
-ටෝනි කරුණානායක-
