එනමුත් එක්සත් ජාතික පක්‍ෂ නායක රනිල් වික්‍රමසිංහ මහතා විසින් පක්ෂයේ පළාත් පාලන ආයතන සහ හිටපු පළාත් සභා නියෝජිතයන් එදින එම වේලාවට සිරිකොතට කැඳවා ඇතැයිද වාර්තා වේ.
ඒ අනුව මෙම ආරාධනය සිදුකළ අවස්ථාවේදී රනිල් වික්‍රමසිංහ මහතා විසින් සමගි ජනබලවේගයේ ලකුණ සහ ව්‍යවස්ථාව පිළිබඳ විමසා ඇති අතර, එහිදී මන්ත්‍රීවරුන් සඳහන් කර ඇත්තේ එම කටයුතු සියල්ල නිසි පරිදි සකස් කරමින් පවතින බවයි. කෙසේවුවද අදාළ ලකුණ සහ ව්‍යවස්ථාව එක්සත් ජාතික පක්ෂයේ කෘත්‍යාධිකාරී
මණ්ඩලය විසින් අනුමත විය යුතු වන බවට රනිල් වික්‍රමසිංහ මහතාගේ ස්ථාවරය වී ඇත.
ඒ අනුව එය එසේ නොවන්නේ නම්, 02වැනිදා පැවැත්වීමට නියමිත සමගි ජනබලවේගය එළිදැක්වීමේ රැස්වීම නීතිවිරෝධී එකක් වනු ඇති බවද රනිල් වික්‍රමසිංහ මහතා විසින් මන්ත්‍රීවරුන්ට පෙන්වාදී තිබේ. සමගි ජනබලවේගයේ අනාගත දැක්ම පිළිබඳ වූ ලියවිල්ලක් එළඹෙන 02 වැනිදා පැවැත්වෙන උත්සවයේදී ඉදිරිපත් කිරීමට අදාළ මන්ත්‍රීවරුන් සූදානමින් සිටින බවද වාර්තා වේ.
මේ අතර, ඊයේ රාත්‍රී වාර්තා වූයේ එක්සත් ජාතික පක්ෂයේ කෘත්‍යාධිකාරී රැස්වීමක් අද (28දා) පැවැත්වීම කෙරෙහිද එජාප නායක රනිල් වික්‍රමසිංහ මහතා අවධානය යොමු කර ඇති බවයි.
-නිදර්ශනී වික්‍රමසිංහ-
