කෝවිඩ්-19 යනුවෙන් නම් කර තිබෙන නව කොරෝනා වෛරසය මර්දනය කිරීම සඳහා තම රජය ගත් ක්රියාමාර්ග ලෝකයේ සෙසු රටවල් අනුගමනය කළහොත් ජුනි මාසය වනවිට වෛරසය අවසන් වනු ඇතැයි චීනය ප්‍රකාශ කරයි.
ලොව රටවල් 120 කට ආසන්න සංඛ්‍යාවකට ව්‍යාප්ත වී තිබෙන නව කොරෝනා වෛරසය ව්‍යාප්ත වීමට පටන් ගත්තේ චීනයේ හුබෙයි පළාතේ වූහාන් නගරයෙනි. කොරෝනා වෛරසය මේ වනවිට ලොව පුරා 126,000කුට ආසාදනය වී තිබෙන අතර වෛරසය හේතුවෙන් 4624 දෙනකු ජීවිතක්ෂයට පත්ව ඇත.
“ඔක්කොම රටවල් එකතු වුනොත් ජුනි මාසය වෙද්දී වෛරසය අවසන් වේවි. එහෙත් රටවල් ආසාදිතයන්ට හොඳින් ප්‍රතිකාර නොකළහොත්, දැඩි ක්රියාමාර්ග නොගත්තේ නම් පාලනය කරන්න බැරි වේවි. ඇතැම් රටවල් තවමත් එතරම් සැලකිල්ලක් දක්වා නැහැ. මෙය බරපතළ කාරණයක් ලෙස ගෙන තදින් මැදිහත් වුණේ නැතිනම් වෛරසය දීර්ඝ කාලයක් පවතීවි" යැයි ද ඔහු කීවේය.
මේ අතර ලෝක සෞඛ්‍ය සංවිධානය පෙරේදා (11) නව කොරෝනා වෛරසය ගෝලීය වසංගතයක් ලෙස නිල වශයෙන් ප්‍රකාශයට පත් කළේය.
