ආරංචි වලින් විස්තර වේ.
මියගොස් ඇත්තේ කොච්චිකඩේ පෝරතොට ආබ්දීන් මාවතේ පදිංචි මොහොමඩ් ජමාල්ඩීන් නමැති 65 හැවිරිදි පුද්ගලයෙකි. ඔහු ඇස් කණ්ණාඩි මෙරටට ගෙන්වා අලෙවි කරන වෙළෙන්දෙකි.
ඔහුගේ විදෙස්ගතව සිට ලංකාවට පැමිණ ගිය පුත්‍රයෙකු නිසා
මේ වනවිට ඔහුගේ නිවසේ 13 දෙනෙකුගේ පිරිසක් නිරෝධායනය කර තිබේ.
මුස්ලිම් ආගමික චාරිත්‍ර අනුව ඔහුව භූමිදානය කිරීමට පවුලේ අය ඉල්ලා තිබුණද එයට ඉඩක් ලබාදීමට අපහසු බව බලධාරීන් දන්වා ඇත. මෙම සුසාන භූමියට යාබද අභ්‍යන්තර ජල මාර්ගයක් පැවතීම නිසා කලෙක සිට භූමිදාන කටයුතු නවතා ඇති බවත් ආදාහනය පමණක් සිදුවන බවත් දන්වා තිබුණි.
කෙසේ හෝ රාත්‍රී 12 ට පමණ ආදාහනය සිදුකරන අවස්ථාවට පවුලේ අය කිසිවක් සහභාගී වූයේ නැත.
මින් ඉහත වෛද්‍ය අනිල් ජාසිංහ මහතා කොරෝනා රෝගීන්ගේ අවසන් කටයුතු පිළිබඳ දන්වා තිබුනේ මෙසේය.
'මෘත දේහය පිච්චීම තමයි අපි නිර්දේශ කරන්නෙ. ඒ වගේම අඩි 08 ක් වැනි යටකට භූමිදානය කිරීමටත් අපිට අවසර ලබා දෙන්න පුළුවන්.'
කෙසේ වෙතත් ප්‍රායෝගික හේතු මත භූමිදානය සිදුකරන්නට බැරිව ගොස් තිබුණි.
මෙම පුද්ගලයාගේ සහ ඥාතීන්ගේ අපරීක්ෂාකාරී ක්‍රියා කලාපය මත මේ වනවිට රෝහල් ඇතුළු ස්ථාන ගණනාවක් නිරෝධායනයට ලක් කර ඇත.ඔහු නිසා වෛරස සම්ප්‍රේෂණය වූ අය පිළිබද පරීක්ෂණ කටයුතු තවම සිදුවේ.
