අයත් පැලවත්ත හොරණ පේරුව ප්‍රදේශයේ ස්ථාන දෙකක කොටස් වශයෙන් තිබී සොයා ගෙන ඇති මෙම මළ සිරුර අලුත උපන් බිලිඳකුගේ බව මීගතැන්න පොලිස් ස්ථානාධිපති ප්‍රධාන පොලිස් පරික්ෂක එම්. එම්.ජේ. ආරියවංශ මහතා පැවසිය. මෙම සිද්ධිය සම්බන්ධමයත් දෙදරු මවක සැකපිට අත්අඩංගුවට ගත් බව ද පොලිසිය පවසයි. මෙම ප්‍රදේශයේ නිවසක ඇති කරන සුනඛයකු විසින් මියගිය බිළිඳාගේ හිස සහිත අත් පා නොමැති ඉණ ප්‍රදේශයෙන් ඉහළ කඳ කොටස ගෙනැවිත් තිබියදී, නිවෙස් හිමියා දැක ඒ බව පොලිස් හදිසි ඈමතුම් ඒකකයට (119) දැනුම් දී ඇත.
මළ සිරුරු කොටස් සොයා ගත් පොලිස් කොස්තාපල් කුමාරසිංහ මහතා මෙහිදී වීශේෂ කරුණු අනාවරණය කරමින් පවසා සිටියේ මළ සිරුර නිවසට රෑගෙන ආ 'චන්ඩි' නමින් හඳුන්වන සුනඛයාට විහිළුවට මෙන් කතා කර සිරුරේ අනිකුත් කොටස් කොහේදැයි විමසූ අවස්ථාවේදී වහා සුනබයා අසල ලඳු කැලෑව තුළට ගිය බවත්, එසේ මීටර් තුන්සියයක් පමණ ගොස් අනෙකුත් සිරුර කොටස් තිබූ වැසිකිළි වළ අසල නැවතුණු බවය. සුනඛයාගේ මගපෙන්වීම නිසා සැකකාරිය පිළිබඳ ඉක්මනින්ම තොරතුරු අනාවරණය කර ගැනීමට හැකි වූ බව ද හෙතෙම වැඩිදුරටත් පැවසීය.
