දෙවැනි වතාවටත් දේශපාලනයට එක්වීමෙන් පසු නැවත දේශපාලනයෙන් ඉවත් කිරීම අපහසු බවත්, එක්සත් ජාතික පක්‍ෂය නොවිසිරී එක්ව සිටීම තම ජයග්‍රහණයට වාසිසහගත වන බවත් අග්‍රාමාත්‍ය මහින්ද රාජපක්‍ෂ මහතා පැවසීය.
අග්‍රාමාත්‍යවරයා මේ බව පවසා සිටියේ, ශ්‍රී සම්බුද්ධත්ව ජයන්ති මන්දිරයේ ඊයේ (12දා) පැවැති පිවිතුරු හෙළ උරුමයේ නායක උදය ගම්මන්පිල මහතා විසින් සංස්කරණය ලද 'අපේ සටන කාටුන් ඇසින්" කෘතිය එළිදැක්වීමේ අවස්ථාවට සහභාගි වෙමිනි.
මෙහිදී කාටුන් ශිල්පීන් 18 දෙනෙක් විසින් නිර්මාණය කරන ලද කාටුන් ඇතුළත් මෙම කෘතිය අග්‍රාමාත්‍ය මහින්ද රාජපක්‍ෂ මහතාට සහ ඒ හා සම්බන්ධ වූ කාටූන් ශිල්පීන්ට සමරු තිළිණ සමඟ පිළිගැන්වීම සිදුවිය.
එහිදී වැඩිදුරටත් අදහස් දැක්වූ මහින්ද රාජපක්‍ෂ මහතා,
"උදය ගම්මන්පිල මහත්තයා පිළිබඳ පුවත්පත්වල පළ වුණ කාටුන්වල එකතුවක් අරගෙන පොතක් නිකුත් කළා. මම ඒ ගැන වැඩියෙන් සංතෝස වෙන්නේ ඒ හැම එකේම මමත් ඉන්න නිසා. උදය ගම්මන්පිල මහත්තයා තමයි මම පරාජය වුණාට පස්සේ මුලින්ම FCID එකට අරන් ගිය දේශපාලනඥයා. අනිත් කෙනා පී.එල්. පීරිස් මහත්තයා. හරි දෙන්න මං ගෙන්න ගෙන තියෙන්නේ. මම හැදුවේ විශ්‍රාම ගිහින් මැදමුලන ගෙදරට වෙලා ඉන්න. මෙතුමන්ලා ඒකට ඉඩ දුන්නේ නෑ, දෙවැනි වතාවට දේශපාලනයට ආවට පස්සේ එළවන්නත් ටිකක් අමාරුයි.
උදයගම්මන්පිල මහත්තයා අපට නැතුවම බැරි කෙනෙක්. එතුමා ගෙනාපු හැම පනතක්ම අභියෝගයට ලක් කළා. අභියෝග කරලා හදන්න තිබූ ඒවා වෙනස් කළා. ඒ වගේම එතුමට පිට කොන්දක් තිබුණා තමන්ගේ පක්‍ෂය අතහැරලා නිවැරදි කණ්ඩායමට සහයෝගය දෙන්න. ඒ වගේම විපක්‍ෂය අද විසිරිලා තිබෙනවා. මම නම් විශ්වාස කරන්නේ එයාලා විසිරිලා ඉන්නවට වඩා එකතුවෙලා ඉන්න එක අපට වාසියි. ඒ වගේම අපට ජයග්‍රහණය කරන්න පුළුවන් කියන විශ්වාසයක් අපට තියෙනවා” යනුවෙන් පවසා සිටියේය.
අග්‍රාමාත්‍යවරයා මේ බව පවසා සිටියේ, ශ්‍රී සම්බුද්ධත්ව ජයන්ති මන්දිරයේ ඊයේ (12දා) පැවැති පිවිතුරු හෙළ උරුමයේ නායක උදය ගම්මන්පිල මහතා විසින් සංස්කරණය ලද 'අපේ සටන කාටුන් ඇසින්" කෘතිය එළිදැක්වීමේ අවස්ථාවට සහභාගි වෙමිනි.
එහිදී වැඩිදුරටත් අදහස් දැක්වූ මහින්ද රාජපක්‍ෂ මහතා,
"උදය ගම්මන්පිල මහත්තයා පිළිබඳ පුවත්පත්වල පළ වුණ කාටුන්වල එකතුවක් අරගෙන පොතක් නිකුත් කළා. මම ඒ ගැන වැඩියෙන් සංතෝස වෙන්නේ ඒ හැම එකේම මමත් ඉන්න නිසා. උදය ගම්මන්පිල මහත්තයා තමයි මම පරාජය වුණාට පස්සේ මුලින්ම FCID එකට අරන් ගිය දේශපාලනඥයා. අනිත් කෙනා පී.එල්. පීරිස් මහත්තයා. හරි දෙන්න මං ගෙන්න ගෙන තියෙන්නේ. මම හැදුවේ විශ්‍රාම ගිහින් මැදමුලන ගෙදරට වෙලා ඉන්න. මෙතුමන්ලා ඒකට ඉඩ දුන්නේ නෑ, දෙවැනි වතාවට දේශපාලනයට ආවට පස්සේ එළවන්නත් ටිකක් අමාරුයි.
උදයගම්මන්පිල මහත්තයා අපට නැතුවම බැරි කෙනෙක්. එතුමා ගෙනාපු හැම පනතක්ම අභියෝගයට ලක් කළා. අභියෝග කරලා හදන්න තිබූ ඒවා වෙනස් කළා. ඒ වගේම එතුමට පිට කොන්දක් තිබුණා තමන්ගේ පක්‍ෂය අතහැරලා නිවැරදි කණ්ඩායමට සහයෝගය දෙන්න. ඒ වගේම විපක්‍ෂය අද විසිරිලා තිබෙනවා. මම නම් විශ්වාස කරන්නේ එයාලා විසිරිලා ඉන්නවට වඩා එකතුවෙලා ඉන්න එක අපට වාසියි. ඒ වගේම අපට ජයග්‍රහණය කරන්න පුළුවන් කියන විශ්වාසයක් අපට තියෙනවා” යනුවෙන් පවසා සිටියේය.
