ඉදිරිපස සිටි පුද්ගලයකුට බරපතළ තුවාල වීමේ සිද්ධිය සම්බන්ධයෙන් ප්‍රාදේශීය ලේකම්වරයා ඊයේ පස්වරුවේ අත්අඩංගුවට ගත් බව පොලිසිය කියයි.
මෙම අනතුරින් තුවාල ලැබූ අඹගස්තැන්නේ පදිංචි ව්‍යාපාරිකයකු වන පනස් හැවිරිදි ආර්.එම්. සරත් රත්නායක මහතා මාතලේ මහ රෝහලේ ප්‍රතිකාර ලබන අතර ඔහුගේ එක් පාදයකට බරපතළ ලෙස තුවාල සිදුවී ඇති බව රෝහල් ආරංචි මාර්ග කියයි.
ප්‍රාදේශීය ලේකම්වරයා මාතලේ මහ රෝහලේ ප්‍රතිකාර ලබා පිටව ගොස් ඇති බව ද රෝහල් ආරංචි මාර්ග පවසයි. අත්අඩංගුවට ගත් ප්‍රාදේශීය ලේකම්වරයා මාතලේ මහේස්ත්‍රාත් අධිකරණය හමුවට අද (2) ඉදිරිපත් කිරීමට නියමිතය. සිද්ධිය සම්බන්ධයෙන් රත්තොට පොලිසිය වැඩිදුර පරීක්‍ෂණ පවත්වයි.
- මහේෂ් කීර්තිරත්න -
