හිටපු දකුණු පළාත් සභා මන්ත්‍රී ක්‍රිශාන්ත පුෂ්ප කුමාර හෙවත් රත්තරන් (පො.පෙ) සහ ඔහුගේ රියදුරු වන විතානගේ කැලුම් සමීර හෙවත් සුදා යන සැකකරුවන් දෙදෙනා
මෙම චෝදනාවට ලක්විය.
ලංකාවේ ප්‍රධාන පෙළේ දේශපාලකයින්
රංචු ගැසී තිස් හය හැවිරිදි චීන ජාතික කාන්තාවක් දූෂණය කිරිම සම්බන්ධයෙන් රත්තරං හා රියදුරු යන සැකකරුවන් දෙදෙනාට එරෙහිව ඇය පැමිණිල්ල ගොනුකර තිබුනේ 2019 මැයි 3වැනිදා වන අතර ඒ සම්බන්ධ නඩු විභාගයේදී රත්තරන් පවසා තිබුනේ ඇය සිය කැමැත්තෙන් අඹුසැමි සබඳතා පැවැත්වූ බවයි. නමුත් එය එසේ නොවන බවට ඇය පසුව තර්ක ගෙන හැර පෑවාය.
මෙම නඩුව යන අතරවාරයේම වයස අවුරුදු 14 ක බාල වයස්කාර දැරියක් බරපතල අපයෝජනයකට ලක් කළ බවට චෝදනාවක් රත්තරන්ට එරෙහිව ඉදිරිපත් විය. සිය නිවසේ පවත්වා යන දේවාලයේ වැඩකට දෙමාපියන් සමග ආ දැරියකට මෙම අතවරය කර තිබුණි.
එවක ප්‍රබල දේශපාලනඥයෙකු අක්මීමන පොලිසියේ ස්ථානාධිපතිවරයාට දුරකථනයෙන් අමතා ක්‍රිෂාන්ත පුෂ්පකුමාරට ඇප දෙනවාට විරුද්ධ නොවන ලෙසත් කේස් එක ලිස්සා යවන ලෙසත් නියෝග කළ බවට වාර්තා පළ විය.
බාල වයස්කාර දැරියකට කළ ලිංගික අපචාර චෝදනාව සම්බන්ධ නඩුවෙන්ද ඔහු ඉක්මණින් ඇප ලබාගත්තේය. මේ අතරවාරයේ දකුණු පළාත් සභාව විසුරුවන්නට ඔන්න මෙන්න කියා තිබී තමා පළාත් සභාවෙන් ඉල්ලා අස්වන බව ඔහු දන්වා සිටියේය. තමා නිර්දෝෂි බවද කීය.
පළාත් සභාවේ අධ්‍යාපන අමාත්‍යංශයේ අධීක්ෂණ මන්ත්‍රී ලෙසද කටයුතු කළ වීරසිංහ ආරච්චිගේ ක්‍රිශාන්ත පුෂ්ප කුමාර හෙවත් රත්තරන් සතු දේශපාලන බලය නිසා ඔහුව අත්අඩංගුවට ගන්නට අදාල නිලධාරින්ට උනන්දුවක් නොතිබූ බව කියැවුණ අතර විමර්ශන අවසන්කර එහි උධෘත නීතිපතිවරයා වෙත යවා ඇතැයි අධිකරණය දී හෙළිවීමෙන් පසුව නීතිපතිවරයාගේ උපදෙස් පරිදි සැකකරුවන් දෙදෙනා අත්අඩංගුවට ගෙන 2020 මාර්තු මස 5දා අධිකරණයට ඉදිරිපත් කරනු ලැබීය.
සැකකරුවන් වෙනුවෙන් ජනාධිපති නීතිඥ කපිල වෛද්‍යරත්න මහතා සමග නීතිඥ ශ්‍රිමාල් විජේසේකර මහතා පෙනි සිටියේය. වැඩිදුර විභාගය 18වන දිනට කල් තබන ලදී.
ඔවුන් මෙම වරදට සෘජුව සම්බන්ධ බවට සාක්ෂි තිබියදී ඇප මත නිදහස් විය.
