සමාජ මාධ්‍ය හරහා 'මෙන්න AL ටයිම් ටේබල්'කියා සංසරණය වූ උසස් පෙළ විභාග කාලසටහනේ
කිසිදු සත්‍යතාවයක් නොමැති බව විභාග දෙපාර්තමේන්තුව පවසයි.
විභාගය සම්බන්ධයෙන් අධ්‍යාපන අමාත්‍යාංශය සහ විභාග දෙපාර්තමේන්තුව විසින් නිකුත් කරන ලද නිල නිවේදන මත විශ්වාසය තබමින් පාසල් ප්‍රජාවේ සියලුම සාමාජිකයින් වගකීමෙන් යුතුව කටයුතු කරන ලෙස විභාග කොමසාරිස් සනත් බී. පුජිත මහතා ඉල්ලා සිටී.
රට තුළ පැන නැගී ඇති අභියෝගාත්මක තත්ත්වය සැලකිල්ලට ගනිමින් මුළු රටේ අධ්‍යාපනය සම්බන්ධයෙන් තීරණ ගැනීම ඉතා ප්‍රවේශමෙන් කළ යුතු බව කොමසාරිස්වරයා පවසන අතර ඇතැම් පාර්ශවයන් මෙවැනි ව්‍යාජ ප්‍රවෘත්ති මගින් ජනතාව නොමඟ යැවීම කණගාටුවට කරුණක් බවද ඔහු පවසා තිබේ.
අසත්‍ය ප්‍රවෘත්තිය සම්බන්ධයෙන් ඉදිරි ක්‍රියාමාර්ග ගන්නා ලෙස විදුලි සංදේශන නියාමන කොමිෂන් සභාවට පැමිණිලි කර ඇත.
