ඉකුත් මාර්තු මස 17 වන දින කොරෝනා රෝගය වැළදීම නිසා මෙම පුද්ගලයා අංගොඩ IDH රෝහලට ඇතුලත් කර ප්‍රතිකාර ලබාදී කොරෝනා රෝගය සුවපත් වූ බවට වෛද්‍ය වාර්තා සනාථවීම නිසා අප්‍රේල් මස 17 වන දින නැවත නිවසට යවා ඇත.
ඉන් අනතුරුව නිවසේ දී නිරෝධනය වෙමින් සිට ඇති හදවත් රෝගියකු වු මොහුට පපුවේ වේදනාවක් ඇති වීම නිසා කොළඹ ජාතික රෝහලට රැගෙන ගොස් තිබේ.
එහිදී එම රෝගියාට නැවතPCR පරීක්ෂණය සිදු කර ඇත.
එහිදී (02)දා අනාවරණය වී ඇත්තේ මොහුට නැවත කොරෝනා රෝගය ආසාදනය වී තිබෙන බවයි. අනතුරුව මොහුව වැඩිදුර ප්‍රතිකාර සදහා නැවතත් අංගොඩ IDH රෝහලට ඇතුළත් කර ඇත.
ප්‍රසංග පාවුළුහේවා
