ඇය මේ දිනවල රාත්‍රී කාලයේ කථා කරමින් සිටින අයෙකු ගැන ප්‍රශ්න කළ විට කවුද ඉතින් ඒ පෙම්වතෙකු මිස වෙන කවුරු එක්කදැයි සමිතා විස්තරයක් කළ අතර
එම තරුණයා සමග සමිතා නැවත විවාහ වෙනවාදැයි ඇසුවීට 'විවාහ වෙයි' යනුවෙන් ඉඟියක් සැපයුවාය. දරුවන්ගේ ප්‍රශ්නයක් නැතිදැයි ඇසුවිට එවැන්නක් නැති බවද ඇය කියා සිටියාය. පසුව නලීන් කියූ දෙයකට පිළිතුරු දෙමින් 'එයා සිංදු කියන්න දන්නෑ' යනුවෙන්ද 'ප්‍රසිද්ධ විවාහ උත්සවයක් ගන්නෑ' යනුවෙන්ද සමිතා කියුවාය.
මෙම ඡායාරූපය ඔස්සේ හඳුනාගන්නට ලැබෙන්නේ මේ දිනවල ටික්ටොක් ඔස්සේ ප්‍රකටවී සිටින තරුණයෙකු ගැනයි. ඔහු චිරන්ත එල් ගුණවර්ධන නමැති ජා ඇල ප්‍රදේශයේ තරුණයෙකි. ඉතා ළාබාල පෙනුමක් ඇති එම තරුණයාට තවම වයස අවුරුදු 22 ක් බවද ඇතැම් ෆේස් බුක් පිටු මගින් හෙළි කර තිබුණි. එසේ බලද්දී සමිතා සිය විවාහය ඉඟි කරන්නේ තමන්ට වඩා වයසින් අවුරුදු 25 ක් ළාබාල තරුණයෙකු ගැනයි.සමිතා අතැර ගිය අතුල විවාහ වූයේ ඔහුට වඩා වයසින් අවුරුදු 22 ක් බාල අමායා සමගිනි.
සමිතා තම විවාහය ගැන සැපයූ ඉඟිය වෙනත් කිසිදු වැඩසටහනකදී හෝ මුද්‍රිත මාධ්‍යයකදී මේ දක්වා ඉදිරිපත් කර නැත. ඇය ගැන කටකතා අසා වැරදියට මිනුම් නොකරන ලෙසත් ඇයගේ තීරණ වලට නිදහස දෙන ලෙසත් ඉල්ලමින් සමිතාගේ දියණිය කවින්ද්‍යා මේ අතරවාරයේ ෆේස් බුක් සටහනක් තබා ඇති අතර එහි පෙම්වතා ගැන තහවුරු කිරීමක් හෝ වෙනයම් කරුණක් දක්වා නැත.
සමිතා විවාහ වනවා යයි කියන චිරන්ත , සමිතාගේ දියණිය කවින්ද්‍යා (24) ට වඩා අවුරුදු දෙකක් බාල වන අතරම සමිතාගේ පුතු ශේනු (20) ට වඩා අවුරුදු දෙකක් වැඩිමහල්ය.
තම දරුවන්ගේ වයසේ සැමියෙකු පතන සමිතාගේ මේ සම්බන්ධය ඇත්තටම විවාහයක් ගැනද නැතිනම් මියුසික් වීඩියෝවක ප්‍රචාරණ උපායක් ගැනද යන්න ඇතැම් අය සැක පළ කර තිබේ. අනෙක් අතට ස්වර්ණවාහිනියේ අලුත් වැඩසටහන ප්‍රවර්ධනයට මෙවැනි මාර්කටිං උපායක් මතුකරගත්තේද යන්න සමහරු නගන සැකයකි.
සමිතා හා චිරන්ත එකට සිටින ඡායාරූපයක් හෝ තවම ප්‍රසිද්ධවී නැති අතර ගායනයට මෙන්ම රංගනයට හැකියාවන් දක්වන සමිතාත් කවින්ද්‍යාත් පමණක් ඒ ගැන ඉඟි සපයා තිබේ.
සමිතා මුදුන්කොටුව 1990 දශකයේ ලංකාවේ මතුවන්නේ සම්භාව්‍ය ගණයේ ගීත ගායනා කරන්නියක ලෙසිනි. ඇයගේ පවුල් පසුබිම තුළද විවාහ ගැටලු පැවති අතර ඇයට පාසල් සමයේ සිටම විවිධ ශිල්පීන් සම්බන්ධ පැටලිලි කටකතා එකල නිර්මාණය විය.කෙතරම් කටකතා පැතිරී ගියත් ගාණක් නැතිවීම ඒ ගැන කලබල නොවීම ඇයගේ විශේෂත්වයයි.
මීට වසර තුනකට පෙර 2017 වසරේ සමිතා මුදුන්කොටුව ලංකාදීප පුවත්පත් සම්මුඛ සාකච්ඡාවකට එක්වෙමින් නොගැළපීම් නැති වුණා නම් මම තවමත් අතුල එක්කයි ඉන්නේ යනුවෙන් අදහස් දක්වා තිබුණි.
එහිදී ඇය දීර්ඝ වශයෙන් තමන්ගේ අනාගත විවාහ අභිලාසය ගැන පැහැදිලි කර තිබුණි. ඒ මෙසේය.
'අතුල මට හම්බවෙන්නේ මම සෞන්දර්ය විශ්වවිද්‍යාලයට ඇතුළු වෙලා අවුරුද්දක් ගියාට පස්සේ.
විශේෂත්වය කියන්නේ ඔහු කෙළින්ම මට ආදරය කරන්න පටන් ගත්තට පස්සේ අපේ ගෙදරට ඇවිත් මා ගැන ඇසුවා. ඔහුව කලින් මම දන්නවා. ‘‘සන්ෆ්ලවර්’’ සංගීත කණ්ඩායමේ වාදනය කරන කාලයේ ඉදන්ම. ඉතිං මගෙත් ඔහු ගැන ආදරයක් තිබුණා. ඒ හින්දා තමයි අතුලත් එක්ක ආදරය කතාව පටන් ගත්තේ.
ප්‍රේම සම්බන්ධතාවය මාස 8ක් ගියාට පස්සේ විවාහ වෙන්න තිරණය කළා. එතකොට ගෙවල්වලින් කැමැත්ත ලැබිලයි තිබුණේ.
විවාහ වුණාට පස්සේ මුල් කාලයේදී අපි දිගටම ඉන්න තමයි හිතාගෙන හිටියෙ. ඒත් විවාහය බිඳිලා ගියා.
මම කාටවත් ඒ ගැන විග්‍රහ කරන්න යන්නේ නෑ. අතුලයි මමයි ඒ දේ දන්නවා මොකක්ද වුණේ කියලා. මම ලෝකයාට ඒ ගැන කියන්න කැමැති නෑ. මොකද ලෝකයා මම ගැන නොදැන ගොඩාක් දේවල් කතා කරනවා. ඉතිං මම ලෝකයාට කතා කරන්න ඉඩදීලා මම මගේ පාඩුවේ ඉන්නවා.
නොගැළපීම් වැඩිනම්, තවදුරටත් ඉදීමෙන් පලක් නැහැ. එතන දී දික්කසාද වීම හොඳයි කියලයි හිතන්නේ. නොගැලපීම් නැතිවුණා නම් මම තවමත් අතුල එක්කයි ඉන්නේ. මම ගිය කට්ටිය කොහෙත්ම යළිත් භාරගන්නේ නෑ. ඒක ස්ථිරයි.
මට ගෙදරක් තිබෙනවා. දුව, පුතා ඉන්නවා. අම්මා, තාත්තා ඉන්නවා. ඉතිං මට ඒ ඇති. මට කවුරුහරි හොඳ කෙනෙක් හම්බවුණොත් ඒ ගැන හිතලා සතුටින් ඉන්නවා. විවාහයක් කරගන්නවාද නැද්ද? කියන එක මම දන්නේ නෑ.
රජයේ ඇමැතිවරයකු එක්ක සබඳතාවක් තිබෙනවා කියලා ආරංචි පැතිර ගියා. ඒක ආරංචියක් වෙන්නැති. මාත් දන්නේ නෑ ඒ ගැන. ඔය ප්‍රචාරය මගේ ඇඟේ වදින්නේ නැහැනේ. මට ඇවිත් කවුරුත් කිව්වත්, ආරංචි ආවත් මට වදින්නේ නෑ. මට ඇහෙන්නෙත් නෑ. මට අදාළත් නෑ. මට ඕවා මගේ කන ඇතුළට ගන්නෙත් නෑ.
සාමාන්‍යයෙන් කටකතාවක් හැදෙන්න එක්කෝ අපේ ගෙදර ජීවත් වෙන්න ඔනේ කවුරු හරි.
එක්කෝ මාත් එක්ක උදේ ඉඳන් රෑ වෙනතුරු දුරකතනයෙන් හරි කතා කරලා මා ගැන දැන ගන්න ඕනේ. නැත්නම් උදේ හවස මාව දකින්න ඕනේ.
හමුවෙන්න ඕනේ. කතා කරන්න ඕනේ. ඉතිං මම දන්නේ නෑ, කවුද මාව උදේ හමුවෙන්නේ, කවුද මට උදේ ඉඳන් රෑ වන තුරු කතා කරන්නේ කියලා
මට උදේ ඉඳන් ගත්තාම නැගිට්ට වෙලාවේ ඉඳන් ගෙදර වැඩ තියෙනවා. ඊට පස්සේ මට මියුසික් වැඩ ටික තිබෙනවා. ළමයින්ගේ වැඩ ටික තිබෙනවා. මට දවසේ කාලයත් මදි. ඉතිං මම, මට කට කතා හදන අය එක්ක ඇත්තටම ආදරෙයි.'
ඒ ඇය 2017 කියූ දේවල්ය. 2020 ඇය විවාහය ගැන කරන ඉඟියට මෙතරම් ප්‍රචාරයක් ලැබී ඇත්තේද ඒ කියූ දේවල් ඇගේ ස්ථාවරය නොවන නිසා විය යුතුය.
-(සූසර් ජයනන්ද)
[May23, 2020 - Gossiplankanews.com]
අම්මාගේ ප්‍රශ්නය ගැන දුව කවින්ද්‍යා FB දාපු අන්තිම පෝස්ට් එක -click here
