මියගිය සුනිල් ලංකා ස්වයං රැකියාලාභීන්ගේ ජාතික ත්‍රිරෝද රථ සංගමයේ සභාපති මෙන්ම ඉදිරි මහමැතිවරණයේ ෆුට්බෝලය ලකුණින්
තරගවදින අපේක්ෂකයෙකු බවද කියැවිණි.
මෙම ඝාතනය සිදුව ඇත්තේ මිරිහානේ පරණ කොට්ටාව පාරේ පිහිටි 'චන්මිල් ඉන්වෙස්ට්මන්ට්' නමැති පුද්ගලික ෆිනෑන්ස් සමාගමක කාර්යාලයකදීය.
ලීසිං සමාගම සම්බන්ධ ත්‍රිරෝද රථයක ගෙවීම සම්බන්ධයෙන් සුනිල් තවත්
පසුගිය ඇඳිරි නීති සමයේ ලීසිං වාරික අයකරගැනීම සම්බන්ධයෙන් පනවන ලද ලිහිල් නීතිවලට අවනත නොවී වාරික අයකරගැනීමට මෙම ආයතනය කටයුතු කර තිබීම නිමිත්ත වූ බව පැවසිණි. ඔහු වෘත්තීය සමිති නායකයෙකු වීම නිසා ලීසිං සමාගමේ වරද සම්බන්ධයෙන් බැරෑරුම් ලෙස කථාකළ බවත් තර්ජනාත්මක ආකාරයට වාද කළ බවත් පැවසිණි.
ඇති වූ උණුසුම් බහින් බස්වීම දුරදිග යාමෙන් ඇති වූ පහරදීම ආයතනයේ පිටතින් තිබෙන ගරාජය දක්වා
දිවගිය අතර ආයතනයේ සේවය කළ සේවකයින් 8 දෙනා අතරින් දෙන්නෙකු කැපී පෙනෙන ලෙස ඔහු සමග අතින් පයින් පහරදීමට පැමිණ තිබේ. පසුව කිසියම් යකඩ කූරක් ගෙන සුනිල්ගේ මුහුණට දමා ගැසීමට එක් සේවකයෙකු කටයුතු කර තිබේ.
මෙම පහරදීම් සමග ලේපෙරාගෙන සුනිල් ජයවර්ධන ඇද වැටී ඇත්තේ පාර ආසන්නයේ ආයතන ගරාජයේය. රෝහලට ඔහුව ගෙනයන්නට අවට සිටියවුන් කටයුතු කර තිබූ නමුත් ඔහු මියගොස් තිබුණි.
සිද්ධිය සම්බන්ධයෙන් සැකකරුවන් 8 දෙනෙකු පොලීසිය විසින් මෙතෙක් අත්අඩංගුවට ගෙන තිබේ.
එළඹෙන මහ මැතිවරණයට ෆුට්බෝලය ලකුණින් ඉදිරිපත් වන අපේක්ෂකයෙකුද වූ සුනිල් ජයවර්ධන පසුගියදා ත්‍රි රෝද රථ රියදුරන්ට බලපාන ‘ලීසිං මාෆියාව’ විවේචනය කරමින් වීඩියෝ කිහිපයක්ද සමාජ මාධ්‍ය වෙත නිකුත් කර තිබූ අයෙකි.
සමාජ මාධ්‍ය තුළ ගැටුම සිදුවන අවස්ථාවේ වීඩියෝවක්ද හුවමාරු වෙමින් පවතින අතර පාරේ යමින් තිබෙන වාහනයකින් ලබාගෙන තිබූ එම වීඩියෝවේ අදාළ ආයතනය අසළ සුනිල් වැටීසිටින අයුරු හා ඔහුට පහරදෙන්නට මුල්වූ දෙන්නා තවදුරටත් ඔහු අසළ සිටින අයුරු දැක්වේ.
තවත් වාර්තා
මියගිය සුනිල් දවසකට පෙර (9) මිරිහානේ ඔෆිස් එකේදී වාද කළ වීඩියෝව
නුගේගොඩ ෆිනෑන්ස් කාර්යාලයක ඇතිවූ ගැටුමකින් කස්ටමර් මරුට
