ඒ අනුව නිරෝධායන මධ්‍යස්ථානවල පිහිටුවන ඡන්දපොළහි රාජකාරි කරන නිලධාරීන් වෙනුවෙන් සෞඛ්‍ය අමාත්‍යාංශය විශේෂ උපදෙස් මාලාවන්ද නිකුත් කර තිබේ. එම නිලධාරින් ශාලාවට ඇතුළුවීමට පෙර සම්පූරණයෙන්ම ආරක්ෂිත ඇදුම් කට්ටලයකින් සැරසී සිටීම අනිවාර්ය වන බව සෞඛ්‍ය සේවා අධ්‍යක්ෂ ජනරාල්වරයා මැතිවරණ කොමිසමට ලබාදී ඇති සෞඛ්‍ය උපදෙස් මාලාවේ සඳහන් වේ.
නිරෝධායන මධ්‍යස්ථානවල ඡන්ද පෙට්ටිවල සියලුම පැති විෂබීජහරණය කර මුද්‍රා තබා පොලිතින් බෑගයක ඇසිරිය යුතු බවද සෞඛ්‍ය උපදෙස් මාලාවෙහි සඳහන් කර ඇත. මීට අමතරව සාමාන්‍ය ඡන්ද පොළක පවතින සෞඛ්‍ය උපදෙස් ද නිරෝධායන මධ්‍යස්ථානවල ඡන්ද පොලවලට අනුගමනය කිරීම අනිවාර්ය වේ.
(රංජන් කස්තුරි)
