යාපනයේදී මෙතෙක් දක්නට නොලැබුණු විදේශිකයකු එක්වරම නගරයේ කුණු කාණු අසල කුණු එකතු කරමින් සිටියදී තරුණයින් පිරිසක් ඒ ගැන විමසූ අවස්ථාවේදී ඔහු පවසා ඇත්තේ තමන්ට වටිනා මැණික් හමුවී ඇති නිසා ඒවා අහුලන බවයි.
මෙම විදේශිකයාව යාපනය ශික්ෂණ රෝහලට ඇතුළත් කිරීමෙන් පසු ඔහු මානසික රෝගියකු බවට නිගමනය වී ඇත.
මෙම විදේශිකයා කවර රටකින් කුමන අවශ්‍යතාවක් මත යාපනයට පැමිණියේද යන්න පිළිබඳවත්, ඔහු මෙතෙක් නවාතැන් ගෙන සිටියේ කොතැනකද යන්න පිළිබඳවත් තොරතුරු සොයා බැලීම සඳහා යාපනය පොලිසිය පරීක්ෂණ ආරම්භ කර තිබෙයි.
