සිකුරාදා රාත්‍රියේ ධවල මන්දිරය දෙසට විරෝධතාකරුවන් නැගී එන විට, එක්සත් ජනපද ජනාධිපති ඩොනල්ඩ් ට්‍රම්ප්, ඔහුගේ බිරිඳ මෙලනියා සහ පුත් බැරන් මන්දිරයේ බංකරයක තනා ඇති
ජනාධිපති හදිසි මෙහෙයුම් මධ්‍යස්ථානය වෙත ආපසු ගිය බව වාර්තා වේ. .
එක්සත් ජනපද රාජ්‍ය නායකයෙකු බංකරය භාවිතා කළ බව මින් ඉහත ප්‍රසිද්ධ වූයේ 2001 සැප්තැම්බර් 11 වන දින ය. ජෝර්ජ් ඩබ්ලිව්. බුෂ් පරිපාලනයේ ජ්‍යෙෂ්ඨ සාමාජිකයින් ඔවුන්ගේ බටහිර අංශ කාර්යාල ඉවත් කිරීමෙන් පසු එහි ගත කර ඇති බව අතීත වාර්තා පමණක් තිබේ.
එහි සඳහන් වන්නේ මගී ජෙට් යානයක් කඩා වැටුණත් එහි බලපෑමට ඔරොත්තු දිය හැකි පරිදි එම ප්‍රදේශය ශක්තිමත් කර ඇති බවයි.
ධවල මන්දිරය මෙම වාර්තා සම්බන්ධයෙන් අදහස් දැක්වීම ප්‍රතික්ෂේප කර තිබේ.
ෆ්ලොයිඩ්ගේ මරණය, වොෂිංටන් ඩීසී ඇතුළු එක්සත් ජනපදය පුරා නගර දුසිම් ගණනක නොසන්සුන්තාව සහ විරෝධතා අවුලුවා තිබේ. සිකුරාදා රාත්‍රියේ සිට විරෝධතාකරුවන් ධවල මන්දිරයෙන් පිටත රැස්ව සිටින අතර ධවල මන්දිරයේ පරිමිතියෙන් පිටත ගැටුම් වරින් වර මතුවිය.
ෆ්ලොයිඩ්ගේ මරණය පිළිබඳ වීඩියෝ පටය සමාජ මාධ්‍ය තුළ පැතිරෙන්නට පටන් ගත් දා සිට ට්‍රම්ප් දැඩි විවේචනයට ලක්විය.
ඇමරිකාවේ සමහර ප්‍රධාන නගරවල දින ගණනක් සාමකාමී විරෝධතා සහ පොලීසිය සමඟ ප්‍රචණ්ඩ ගැටුම් පැවතුනද ට්‍රම්ප් මේ දක්වා ඒ ගැන ජාතිය අමතා නැති අතර ට්විටර් හරහා නැවත නැවතත් ගිනි අවුලුවන පණිවිඩ යවා තිබේ.
සිකුරාදා ට්‍රම්ප් ට්වීට් කළේ විරෝධතාකරුවන්ට එක්සත් ජනපද රහස් සේවය විසින් මෙහෙයවන ලද “කුරිරු බල්ලන් හා අශුභ ආයුධ” වලින් පහර දිය හැකි බවය. එසේම ධවල මන්දිරය ආරක්ෂා කිරීම සඳහා පොලිසිය ලබා නොදුන් බවට නගරාධිපතිවරයාට ඔහු චෝදනා කර තිබුණි.
ජනාධිපතිවරයා ජෝර්ජ් ෆ්ලොයිඩ්ගේ ශෝකයට පත් පවුලේ අය සමඟ කතා කර ඇති නමුත් ෆ්ලොයිඩ්ගේ සහෝදරයා වන ෆිලෝනිස් ෆ්ලොයිඩ්ට අනුව සංවාදය කෙටි විය. “ඔහු මට කතා කිරීමට පවා අවස්ථාවක් ලබා දුන්නේ නැහැ,” ෆ්ලොයිඩ් මාධ්‍ය වෙත පවසා තිබුණි.
-(සූසර් ජයනන්ද)
පෙර වාර්තාව
ඇමරිකානු සුදු පොලිසියේදී කළු මිනිසෙකු ඝාතනයවීම නිසා ආන්දෝලනයක්
