රෝහල ඉදිරිපිට පදික මාරුවේදී වරකාගොඩ මහතා පැදවූ මෝටර් රථයට සය හැවිරිදි දැරියක් සහ 40 හැවිරිදි මවක යටවී ඇති අතර අනතුරින් දැරියගේ පාදවලට
හානි සිදුවී ඇත.
දෙන්නාටම තුවාල ලැබීම නිසා රෝහල්ගත කර ඇතැයි කොහුවල පොලිසිය පවසයි. මව හා දියණිය හදිසි අනතුරු අංශයෙන් 24 වාට්ටුවට මාරු කර ඇත.
මෙම අනතුරට මුහුණ පා ඇත්තේ මීගොඩ, පාසල් මාවතේ පදිංචි මවක හා දියණියකි.
අනතුර සිදුවීමත් සමඟ එම ස්ථානයට පිරිස ඒකරාශීවීමත් සමඟ උණුසුම් තත්ත්වයක් හටගත් බවත්, පසුව පොලිසිය පැමිණ ප‍්‍රවීණ රංගන ශිල්පී විජේරත්න වරකාගොඩ මහතා පොලිස් අත්අඩංගුවට ගත් බවත් පොලිසිය පවසයි.
මෙම මව හා දියණිය රෝහල ඉදිරිපිට පදික මාරුවෙන් තවත් පිරිසක් සමඟ පාර මාරුවෙන්නට පටන් ගෙන ඇත. ඒ අවස්ථාවේ වාහන නවත්වාගෙන සිට ඇත. එලෙස නවත්වාගෙන සිටි ප‍්‍රවීණ රංගන ශිල්පී විජේරත්න
වරකාගොඩ මහතාගේ රථය එක්වරම ඉදිරියට ඇදෙන්නට පටන්ගෙන තිබේ. එහිදී මෙම මව හා දියණිය රථයේ ගැටී ඇත. මව රථයේ වැදී විසිවී වැටී තිබේ. දියණිය රථයට යටවී සිට ඇත. එහිදී එම ස්ථානයට රැස්වූ පිරිස් මෝටර් රථයට යට වී සිටි දැරිය හා විසිවී වැටී සිටි මව රෝහල් ගතකිරීමට පියවර ගත්හ.
අත්අඩංගුවට ගත් විජේරත්න වරකාගොඩ මහතා නුගේගොඩ මහෙස්ත‍්‍රාත් අධිකරණයට ඉදිරිපත් කිරීමෙන් පසු ඇප මත මුදාහැර තිබේ.
ඔහුගේ රියදුරු බලපත‍්‍රයද අධිකරණයෙන් අත්හිටුවා ඇතැයිද පොලිසිය කියයි.
මීට වසරකට පෙර 2019 මාර්තු මාසයේ විජේරත්න වරකාගොඩ මහතාගේ පුතු ජනනාත් පැදවූ රථයක්ද අනතුරක් සිදු කර පුද්ගලයෙකු ජීවිතක්ෂයට පත්විය.
සිද්ධිය පිළිබඳව කොහුවල පොලිසිය වැඩිදුර පරීක්‍ෂණ සිදු කරයි.
