පසුගිය කාලයේ ඉන්දියාවේ උතුරුදිග චීන දේශසීමාවේ ඇතිවූ යුද තත්වය මේවන විට දෙරට අතර සීතල යුද්ධයක් අරඹා ඇති අතර වෙළෙඳ සම්බාධක පැනවීම වැනි ක්‍රියාකාරකම් වලට ඉන්දියාව යොමුව ඇති අයුරු පෙනෙන්ට තිබේ.
ඉන්දියාවේ අතිශය ජනප්‍රිය කෙටි වීඩියෝ වේදිකාවක් වන ටික්ටොක්, අන්තර්ජාල පිවිසුම් යූසී බ්‍රව්සර්, ගොනු බෙදාගැනීමේ යෙදුම වන ෂෙයාර්ඉට් සහ ලිපි ස්කෑන් කිරීමේ කැම්ස්කැනර් වැනි ඉතා ජනප්‍රිය චීන යෙදුම් 59 ක් ඉන්දියාව විසින් සඳුදා සිට තහනම් කරනු ලැබ ඇති අතර එමඟින් iOS සහ ඇන්ඩ්‍රොයිඩ් උපාංග වලට ඒවා ඇතුළු කිරීම අත්හිටුවා ඇත.
තොරතුරු හා තාක්ෂණ අමාත්‍යාංශය පවසා ඇත්තේ “සමහර ජංගම යෙදුම් අනිසි ලෙස භාවිතා කිරීම පිළිබඳ වාර්තා කිහිපයක් ඇතුළුව විවිධ මූලාශ්‍රවලින් පැමිණිලි ලැබී ඇති බවයි… පරිශීලකයන්ගේ දත්ත අනවසරයෙන් ඉන්දියාවෙන් පිටත ස්ථාන ඇති සේවාදායකයන් වෙත සොරකම් කිරීම සහ රහසිගතව සම්ප්‍රේෂණය කිරීම සම්බන්ධයෙන්”. මෙය “අවසානයේ ඉන්දියාවේ ස්වෛරීභාවයට හා අඛණ්ඩතාවයට බලපාන බැවින් හදිසි පියවර අවශ්‍ය ඉතා ගැඹුරු හා ක්ෂණික අවධානයට ලක්විය යුතු කරුණක්” වන බව පවසා ඇත.
තහනම් ලැයිස්තුවේ ඇති සමහර යෙදුම් ඉන්දියාවේ ඉතා ජනප්‍රියය, විශේෂයෙන් ටික්ටොක්, මිලියන 100 කට අධික ක්‍රියාකාරී පරිශීලක සංඛ්‍යාවක් සිටිති.
එසේම, මෙම වේදිකා බොහොමයක ඉන්දියානු නිර්මාණකරුවන්ද සිටින අතර ඔවුන්ගෙන් බොහෝ දෙනෙකුට මෙය එකම ආදායම් මාර්ගය වේ. මෙම යෙදුම් අවහිරකිරීම නිසා රැකියා දහස් ගණනක් අවදානමට ලක්විය හැකිය.
පසුගිය වසරේ මදුරාසි මහාධිකරණයේ නියෝගය මත ඉන්දියාවේ ටික්ටොක් මීට පෙරද තාවකාලික තහනමකට ලක්විය.
තහනම සිදුවූ ඇප් ලැයිස්තුව පහතින්
