වෛද්‍යවරයකුගේ මළ සිරුරක් පෙරේදා (18) උදේ ගම්පහ පොලීසිය මගින් සොයාගනු ලැබීය. එසේ මියගොස් ඇත්තේ යක්කල පිටුවල්ගොඩ පදිංචි රාමනායක මුදියන්සේලාගේ ජයශාන්ත ජයසිරි රාමනායක
(50) නමැති අයකු බවට හඳුතාගෙන ඇත.
මියගිය අය මියගොස් සිටි ස්ථානයේ තිබි ඔහුට අයත් යතුරුපැදියද හමුවූ බව පොලීසිය පවසයි.
පරික්ෂා කළ වැඩබලන මහේස්ත්‍රාත්වරයා එම මළ සිරුර ගම්පහ මහ රෝහල් මෘත ශරීරාගාරය වෙත රැගෙන යන ලෙසට ගම්පහ පොලීසියට නියම කළේය.
එම මළසිරුර සම්බන්ධයෙන් පශ්චාත් මරණ පරික්‍ෂණය පවත්වන ලෙසට ගම්පහ මහ රෝහලේ විශේෂඥ අධිකරණ වෛද්‍ය නිලධාරිවරයාට නියම කළ වැඩබලන මහේස්ත්‍රාත්වරයා එම මරණයට හේතුව අධිකරණයට ඉදිරිපත් කරන ලෙසට අධිකරණ වෛද්‍ය නිලධාරි වෙත වැඩිදුරටත් නියම කළේය.
ගම්පහ කොට්ඨාස බාර ජ්‍යෙෂ්ඨ පොලිස් අධිකාරි ඉන්දික ද සිල්වා සහ සහකාර පොලිස් අධිකාරි තුසිත කුමාර යන මහත්වරුන්ගේ උපදෙස් මත පොලිස් පරික්ෂක රංග ගුණසේකර ඇතුළු නිලධාරිහු එම සැකකටයුතු මරණය සම්බන්ධයෙන් ගම්පහ පොලීසිය වැඩිදුර විමර්ශන සිදු කරති.
(ගම්පහ අධිකරණ - ටෝනි කරුණානායක)
