සේවය කරන්නෙකි. එම ගුරුවරයා කන්දකාඩු පුනරුත්ථාපන මධ්‍යස්ථානයේ සිට රත්නපුරයට පැමිණ දින කිහිපයක් ඔහුගේ නිවසේ ගත කර ඇතැයි සෞඛ්‍ය බලධාරිහු පවසති. රත්නපුර සීවලී මහා විද්‍යාලයේ ගුරුවරයෙකු බව කියන මෙම පුද්ගලයා කාර්යාලයීය අවශ්‍යතාව මත රත්නපුර ඇලෝසියස් මධ්‍ය විද්‍යාලයටද ගමන් කර ඇති බව කියැවේ.
පාසල් ආරම්භ වූයේ ජුලි මස 6 වන සඳුදා දිනය. එහෙත් එම ගුරුවරයා සමීපව ඇසුරු කළ අය සිටිය හැකිය යන සැකය මත සෞඛ්‍ය අංශ, ආරක්ෂක අංශ ඇතුළු අධ්‍යාපන දෙපාර්තමේන්තුව මේ පිළිබඳව අවශ්‍ය පියවර ගනිමින් සිටී.
මේ වනවිට එම විද්‍යාලයේ විදුහල්පති, කිසිඳු ගුරුවරයකු හෝ ශිෂ්‍යයකු නිරෝධායන ක්‍රියාවලියට යොමු කර නොමැති බව රත්නපුර සෞඛ්‍ය බලධාරියෙකු කියා තිබේ. විවිධ කටකතා ප්‍රදේශයේ පැතිරී ඇති අතර කැඩෙට් පුහුණුකරුවකු වූ මෙම ගුරුවරයා රත්නපුරයේ සිටියදී ඔහු ළඟින් ඇසුරු කළ පුද්ගලයින් පී.සී.ආර්. පරීක්ෂණවලට ලක්කිරීමට කටයුතු යොදා තිබේ.
රත්නපුර සමන් දේවාලයට නුදුරු ගනේගොඩ ප්‍රදේශයේ මෙම ගුරුවරයා පදිංචිව සිටි අතර ඔහුගේ බිරිඳ සහ දරුවා ද පී.සී.ආර්. පරීක්ෂණයකට යොමු කර තිබේ.
එහෙත් සෞඛ්‍ය උපදෙස් ක්‍රියාත්මක කරමින් ආරක්ෂිතව සිටින ලෙස රත්තපුර මහජන සෞඛ්‍ය පරීක්ෂකවරු ද ඊයේ ප්‍රවාසීන්ගෙන් ඉල්ලා ඇත.
