නියාමන කොමිසමේ හිටපු අධ්‍යක්ෂ ජනරාල් අනුෂ පැල්පිට යන අය විසින් ගොනුකළ අභියාචනා පෙත්සම ඊයේ 23 දා අභියාචනාධිකරණය විභාගයට ගත් අවස්ථාවේදී ඒ මහත්වරුන් වෙනුවෙන් පෙනී සිටි නීතිඥ කාංචන රත්වත්ත මහතා පැවසීය.
ලලිත් වීරතුංග සහ අනුෂ පැල්පිට මහත්වරුන් විසින් ඉදිරිපත් කළ එම අභියාචන පෙත්සම් කුමුදිනී වික්‍රමසිංහ සහ දේවිකා අබේරත්න මහත්මීන් ගෙන් යුත් අභියාචනාධිකරණ විනිසුරු මඩුල්ල හමුවේ සලකා බැලිණි.
“ලලිත් වීරතුංග මහතා අදාළ මුදල් විදුලි සංදේශ ගිණුමට බැර කළත් ඒවා ඔහුගේ පෞද්ගලික පරිහරණයට ලබාගෙන නැහැ. මේ නඩුව මහාධිකරණයේදී විභාගයට ගෙන ඇත්තේ විනිසුරු පූර්ව නිගමනවලට එළැඹගෙනයි. නඩු තීන්දුවේ දේශපාලන වචන බහුලව භාවිත කර තිබෙනවා. තවද නඩු විභාගයේදී සාක්කිකරුවන්ට හිරිහැර වන ලෙස මහාධිකරණ විනිසුරු ප්‍රශ්න කර තිබෙනවා.
පෙත්සම්කරුවන් වෙනුවෙන් පෙනී සිටි ජනාධිපති නීතිඥ ෆායිස් මුස්තාපා මහතා මෙසේ කීය. “ශ්‍රී ලංකා විදුලි සංදේශ නියාමන කොමිසම සතු රුපියල් මිලියන 600ක් වැය කරමින් සිල් රෙදි බෙදාදීමේ ව්‍යාපෘතිය සිදුකිරීමෙන් රජයේ මුදල් සාපරාධී සාවද්‍ය පරිහරණය කළ බවට පවරා තිබූ නඩුව විභාග කළ මහාධිකරණ විනිසුරුවරයාගේ නඩු විමසීමේ ක්‍රියාකලාපය ගැටලු සහගතයි. සාමාන්‍ය නඩු විභාගයකදී සහ නඩු තීන්දුවකදී භාවිත කරන නීතිමය වචන වෙනුවට දේශපාලන වචන එම මහාධිකරණ නඩුවට ඇතුළු කර තිබෙනවා.
එම දඩ මුදල් හා සිර දඬුවම් නියම කර ඇති ආකාරය නීති විරෝධී යැයි පෙන්වා දෙමින් අභියාචනා ඉදිරිපත් කරන පෙත්සම්කරුවන් එම දඬුවම අහෝසි කර තමන් සියලු චෝදනාවලින් නිදොස් කොට නිදහස් කිරීමේ නියෝගයක් නිකුත් කරන මෙන් ද අභියාචනාධිකරණයෙන් ඉල්ලා තිබිණි.
විත්තිකාර අභියාචක පෙත්සම්කරුවන් වන හිටපු ජනාධිපති ලේකම් ලලිත් වීරතුංග සහ අනුෂ පැල්පිට යන මහත්වරුන් වෙනුවෙන් ජනාධිපති නීතිඥ ෆායිස් මුස්තාපා නීතිඥ කාංචන රත්වත්තේ යත මහත්වරු පෙනී සිටියහ. නීතිපතිවරයා වෙනුවෙන් රජයේ නීතිඥ ජයලක්ෂි සිල්වා මහත්මිය පෙනී සිටියාය.
(රංජන් කටුගම්පොළ සහ තිළිණි ද සිල්වා)
