මෙම විඩියෝව හරහා අනුමත නොවූ ඖෂධයක් ප්‍රවර්ධනය කරන බවත්, එය වැරැදි තොරතුරු ජනතාව අතරට යාම සඳහා වැඩි ඉඩක් පවතින බවත් පවසමින් ට්විටර්, ෆේස්බුක් සහ යුටියුබ් යන සමාජ මාධ්‍ය තුළ මෙම වීඩියෝව සංසරණය වීම නවත්වා තිබේ.
කෙසේ වෙතත් මෙම මැලේරියා ඖෂධය නව කොරෝනා වෛරසය ආසාදිත පිරිස් සඳහා ලබාදිය හැකි ප්‍රතිකාරයක් බව යළි යළිත් පවසා සිටියි. ඒ අනුව වෛද්‍ය කණ්ඩායම් කිහිපයකගේද අදහස් ඇතුළත් මෙම වීඩියෝව ප්‍රසිද්ධියට පත්විය යුතු බව ඔහු පවසා ඇත.
"මම හිතන්නේ ඔවුන් පිළිගැනීමක් සහිත වෛද්‍යවරුන්. ඔවුන් මේ ඖෂධය ගැන විශ්වාස කරනවා. ඒ වගේම මේ වීඩියෝවේ ඒ ඖෂධය ලබාගත්ත කාන්තාවකුත් ප්‍රකාශයක් සිදු කරනවා." ට්‍රම්ප් එලෙස පවසා ඇත.
එහෙත් මෙම වීඩියෝවේ සිටින වෛද්‍යවරුන් සියලු දෙනාම ඇමරිකාවේ පෙරමුණගත්
වෛද්‍යවරුන් නම් සංවිධානයක සාමාජිකයන් බව පැවසෙයි. එසේම ඔවුන් ට්‍රම්ප් හිතවාදී දේශපාලන ක්‍රියා කමිටුව වෙත අරමුදල් රැස් කිරීමේ නිරත වන බවත් අනාවරණය වී තිබේ.
ජනපති ට්‍රම්පිට අමතරව ඔහුගේ පුත්‍රයා වන කණිෂ්ට ඩොනල්ඩ් ට්‍රම්ස් සිය ට්විටර් ගිණුම හරහා මෙම
වීඩියෝව ප්‍රසිද්ධියට පත් තිබුණි. කෙසේ වෙතත් වහා ක්‍රියාත්මක වූ ට්විටර් සමාගම ඔහුගේ ගිණුම පැය 12ක කාලයකට අක්‍රියකර තැබීමටද පියවර ගෙන තිබේ. මෙම වීඩියෝව හරහා සිය සමාජ මාධ්‍ය ජාලයේ ඇති COVID-19 සම්බන්ධ වැරදි තොරතුරු ප්‍රසිද්ධියට පත් නොකිරිමේ ප්‍රතිපත්තිය උල්ලංඝනය කරන බව සමාගම සඳහන් කර තිබේ.
"මෙම හයිඩ්‍රොක්සික්ලෝරොක්වින් ඖෂධය සායනික අත්හදා බැලීම් සඳහා යොදාගැනීම සම්පුර්ණයෙන්ම නවත්වන්න කියන්නේ. මොකද මේ ඖෂධයෙන් කොරෝනා වෛරසයට එරෙහිව කිසිදු බලපෑමක් එල්ල කරන්නේ නැහැ.එක්සත් ජනපදයේ අසාත්මිකතා සහ බෝවන රෝග පිළිබඳ ආයතනයේ ප්‍රධානී වෛද්‍ය ඇන්තනි ෆවුසිද වරෙක පවසා තිබුණි.
