යොමු කිරීමට පියවර ගන්නා බව පුත්තලම දිස්ති‍්‍රක් සෞඛ්‍ය සේවා අධ්‍යක්ෂ වෛද්‍ය දිනූෂා ප‍්‍රනාන්දු පවසනවා.
පුත්තලම දිස්ති‍්‍රක්කයේ අහඹු ලෙස සිදු කෙරෙන PCR පරීක්ෂණ වැඩි කිරීමට ද කටයුතු යොදා ඇති බවයි වෛද්‍ය දිනූෂා ප‍්‍රනාන්දු කියා සිටියේ.
අදාළ රෝගියා සම්බන්ධයෙන් මේ වන විට හඳුනාගෙන ඇති ආශ්‍රිතයින් 15 දෙනාගේම PCR පරීක්ෂණ කටයුතු සඳහා යොමු කර තිබෙනවා. අද දවසේ කල්පිටිය, පුත්තලම, ආරච්චිකට්ටුව, හලාවත ආදී ප්‍රදේශවල PCR පරීක්ෂණ වැඩි ප්‍රමාණයක් සිදු කරන්නට කටයුතු කරන බවත් පෙන්වා දුන්නා.
අගෝස්තු මස 15 වැනිදා හදුනාගත් රෝගියා බංගදෙනිය ප්‍රදේශය වෙත පැමිණ තිබූ අතර අගෝස්තු 16 වැනිදා ප්‍රදේශය භාර PHI නිලධාරියා ඇය ගැන සොයා බැලීමට ගොස් තිබුණා. අදාළ රෝගියා රෝග ලක්ෂණ මතු වීම නිසා නිවසෙන් පිටතට පැමිණ ඇත්තේ ප්‍රතිකාර ලබා ගැනීමේ අදහසින් බවයි මේ වන විට අනාවරණය වී ඇත්තේ.
කෙසේවෙතත් ඇය ඩුබායි සිට පැමිණි පසු පුද්ගලයින් 05 දෙනෙකු පමණ ඇයගේ නිවසට පැමිණ තිබුණා. එම පිරිස ද මේ වන විට හඳුනාගෙන තිබෙනවා.
