පසුගිය වසරේ ජූනි මාසයේ දිනක සිය දෙමව්පියන් ඇති වු ආරවුලක් හේතුවෙන් නිවසින් පිට වු එම දැරිය මහනුවර පදිංචි සිය මාමාගේ නිවසට බස්රථයක නැගී යන අතරතුර දී සැකකාර තරුණයා මුණගැසී තිබේ.
පසුව දැරියව පිටකොටුව බස් නැවතුම්පොළට මෙම තරුණයා විසින් ගෙනැවිත් ඇරලවා තිබේ.
ගර්භනී තත්ත්වයට පත්ව ඇති එම දැරිය, දරු ප්‍රසූතිය සඳහා රෝහල් ගත කිරීමෙන් අනතුරුව දියණියක් බිහි කර ඇත.
ඒ පිළිබඳව රෝහලේ වෛද්‍යවරයෙකු ජාතික ළමා ආරක්ෂක අධිකාරිය වෙත කරන ලද පැමිණිල්ලක් මත විමර්ශන සිදුකර තිබේ.
සැකකරු පිළිබඳ කිසිදු තොරතුරක් අදාළ දැරිය නොදන්නා බැවින් ඇයට දුරකථන ඇමතුම් ලබා දුන් අංකය ඔස්සේ පරීක්ෂණ මෙහෙයවා තිබේ.
එමඟින් සොයා ගත් තොරතුරු මත සැකකාර 22 හැවිරිදි තරුණයා මුන්නේෂ්වරම් කෝවිල අසල පලතුරු කඩයක රැකියාව කරන අයෙක් බවට අනාවරණය වී තිබේ.
සැකකරු අත්අඩංගුවට ගැනීමට එම ස්ථානයට යන විට ඔහු පළා ගොස් ඇති අතර, පසුව සිදුකළ විමර්ශනවලදී තරුණයා අත්අඩංගුවට ගෙන අධිකරණයට ඉදිරිපත් කර ඇත.
සැකකරු මේ වන විට රක්ෂිත බන්ධනාගාර ගත කර ඇතැයි ජාතික ළමා ආරක්ෂක අධිකාරිය පවසයි.
