සම්බන්ධයෙන් පූර්ණ වීමර්ශනයක් පවත්වා වහාම දැනුම් දෙන ලෙස නීතිපතිවරයා වැඩබලනයට පොලිස්පතිවරයාට උපදෙස් දී ඇත. නීතිපතිවරයා වෙනුවෙන් නියෝජ්‍ය සොලිසිටර් ජනරාල් දිලීප පිරිස් මහතාගේ අස්සනින් වැඩ බලන පොලිස්පතිවරයාට යවා ඇති පිටු තුනකින් යුත් එම ලිපියෙන් දන්වා ඇත්තේ විමර්ෂශනයට අදාළ වාර්තාව ලබන 31 වැනිදාට පෙර ලබා දෙන ලෙසය.
වරෙන්තුකාර මීගමුව බන්ධනාගාර හිටපු අධිකාරි අනුරුද්ධ සම්පයෝ නමැත්තා මීගමුව මූලස්ථාන පොලිස් පරික්ෂකවරයා විසින් අත්අඩංගුවට නොගෙන පූර්ණ සැලසුමක් සහිතව සාදරයෙන් පිළිගැනීමක් සිදුකර කළද බවට සී සී ටී වී දර්ශනවලින් පෙනී යන බැවින් ඒ සම්බන්ධයෙන් වහාම විමර්ශනයක් සිදුකරන ලෙසට ද එම ලිපියෙන් දක්වා ඇත. මෙම සිද්ධියේ සැකකරුවකු වන අනුරුද්ධ සම්පයෝ යන අය පොලිස් භාරයට ගත් ස්ථානයේ සී සී ටී වී දර්ශන අනුව මිගමුව මූලස්ථාන පොලිස් පරික්ෂකවරයා ඇතුළු නිලධාරින් පිරිසක් පොලිස් ජීප් රථයකින් ද ඊට පසුපස වෑන් රථයකින් පැමිණ සිටි අනුරුද්ධ සම්පායෝ නැමැත්තාගේ සහෝදරයා ඇතුළුපිරිසත් දර්ශනය වන බව එම ලිපියේ සදහන් කර ඇත.
පසුව, අනුරුද්ධ සම්පයෝ නමැත්තා රතු පැහැති ඩිස්කවරි ස්පෝට්ස් වර්ගයේ ජීප් රථයකින් එම ස්ථානයට පැමිණ රථයෙන් බැස මීගමුව මූලස්ථාන පොලිස් පරික්ෂකවරයාගේ රථය අසලට ඇවිද යන ආකාරයත් එම අවස්ථාවේදී අනුරුද්ධ සම්පායෝ මහතා තම ජංගම දුරකතනයෙන් යමකු අමතමින් සිට එම දුරකතන ඇමතුම මුලස්ථාන පොලිස් පරික්ෂකවරයාට කතා කිරිමට සලස්වන අයුරු එම සී සී ටී වී හි සටහන් ව ඇතැයි වැඩබලන පොලිස්පතිවරයාට දැනුම් දී තිබේ.
මීගමුව මුලස්ථාන පොලිස් පරික්ෂකවරයා අගෝස්තු මස 2 වැනිදා සිදුකළ සාර්ථක බුද්ධි මෙහෙයුමකින් අනතුරුව අනුරුද්ධ සම්පායෝ යන සැකකරු අත්අඩංගුවට ගත් බවට මිගමුව මුලස්ථාන පොලිස් පරික්ෂවරයා සටහන් තබා තිබුණ ද එය මෙහෙයුමකින් සිදුකළ අත්අඩංගුවට ගැනීමක් නොවන බවට සී සී ටී වී දර්ශන නැරඹිමේදී අනාවරණය වී තිබෙන බව ද ලිපිය මගින් දැනුම් දී ඇත.
-නිමන්ති රණසිංහ-
