සමාගමක ව්‍යාපෘති කළමනාකරුවකු වශයෙන් සේවය කරමින් සිටි 41 හැවිරිදි විවාහක පුද්ගලයකු බව පොලිසිය පවසයි. මොහු පෙරේදා නිවසින් පිටත්ව ඇති අතර, පස්වරු 4.30 ට පමණ මොහුගේ මෝටර් රථය මෙම ස්ථානයේ නවතා තිබෙනු දැක ඔහුගේ මිතුරකු පැමිණ බැලීමේ දී මෝටර් රථයේ පුද්ගලයන් ගමන් ගන්නා විට අල්ලා ගන්නා ආධාරකයේ පටියක් ගැටගසා එහි කොටසක ඔහු ගෙල සිරවී සිටි බවද පොලිසිය කියයි.
මොහු මෝටර් රථයේ පිටුපස ආසනයේ දී ඉදිරිපස ආධාරකයේ පටියකින් ගෙල වැලලාගෙන සිය දිවි හානි කරගෙන ඇති බවට දැනට සිදුකළ පරීක්ෂණ අනුව සැකකරන බවද පොලිසිය පවසයි.මරණය සම්බන්ධයෙන් පශ්චාත් මරණ පරික්ෂණ ඊයේ පැවැත්වීමට නියමිතව තිබුණි. කොටහේන පොලිස් ස්ථානාධිපති ප්‍රධාන පොලිස් පරික්ෂක ප්‍රශාන්ත් සිල්වා මහතාගේ උපදෙස් මත, අපරාධ විමර්ශන අංශයේ ස්ථානාධිපති පොලිස් පරික්ෂක රුවන් රත්නායක මහතාගේ මෙහෙයවීමෙන් පරීක්ෂණ පැවැත්වේ.
-ඉන්දිකා රාමනායක-
