මූලස්ථානය ඊයේ (25) සඳහන් කළේය. “පොඩි ලැසී” නැමැත්තාගේ ප්‍රධාන ගෝලයා වත “නීල්" නමැත්තා අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබ ඇත්තේ රුපියල් කෝටි 10කට අධික වටිනාකමකින් යුත් හෙරොයින් කිලෝ 12ක්, ටී 56 ගිනි අවි 02ක් මිලිමීටර් 8 වර්ගයේ පිස්තෝල අවි දෙකක් ඇතුළු ආයුධ තොගයක් සමග රත්ගම, කන්දේගොඩ ප්‍රදේශයේ දී බව එම දෙපාර්තමේන්තුවේ ජ්‍යෙෂ්ඨ නිලධාරියෙක් පැවසීය.
රැඳවුම් නියෝග මත අපරාධ පරික්ෂණ දෙපාර්තමේන්තුව තුළ රඳවා සිටින සැකකාර නාකොටික් නිලධාරිගෙන් කරන ලද ප්‍රශ්න කිරීම් හමුවේ හෙළිකරගත් තොරතුරුවලට අනුව පෙරේදා (24) පෙරවරුවේ සිට ගාල්ල රත්ගම කන්දේගොඩ ප්‍රදේශයේ මෙම සෝදිසි මෙහෙයුම සිදුකර ඇත්තේ අපරාධ පරීක්ෂණ දෙපාර්තමේන්තුවේ විශේෂ විමර්ශන ඒකකයේ සහකාර පොලිස් අධිකාරී මෙරිල් රන්ජන් ළමාහේවා මහතා ඇතුළු නිලධාරීන් කණ්ඩායමකි. ඒ අනුව ගාල්ල, තෙල්වත්ත ප්‍රදේශයේ දී කළ සෝදිසි මෙහෙයුමකදී අනාවරණය කර ගත් තොරතුරු අනුව ගාල්ල, රත්ගම, කන්දේගොඩ ප්‍රදේශයෙන් මෙම හෙරොයින් මත්ද්‍රව්‍ය ඇතුළු අවී ආයුධ තොගය අත්අඩංගුවට ගෙන ඇතැයි පොලීසිය පවසයි. එසේම, පුවත්පත මුද්‍රණයට යන අවස්ථාව වන විටත් අපරාධ පරීක්ෂණ දෙපාර්තමේන්තුව මෙම සඟවා ඇති හෙරොයින් සහ ගිනි අවි සොයා ගාල්ල, රත්ගම, කන්දේගොඩ ප්‍රදේශයේ විශේෂ සෝදිසි මෙහෙයුමක් දියත් කර ඇති බවද පොලිසිය කියයි.
පොලිස් මන්ද්‍රව්‍ය නාශක කාර්යාංශයේ සැකකාර නිලධාරින් සම්බන්ධ හෙරොයින් මත්ද්‍රව්‍ය ජාවාරම මෙහෙයවා ඇත්තේ ඩුබායි රාජ්‍යයේ සිටින සංවිධානාත්මක අපරාධකරුවකු වන "උදාර සම්පත්" නැමැත්තා බවත් මොහු "පොඩි ලැසී" නැමැත්තාගේ ඥාති සහෝදරයකු වන බවත් නියෝජ්‍ය සොලිසිටර් ජනරාල් දිලීප පීරිස් මහතා කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය හමුවේ ඉකුත් 18 වැනිදා ප්‍රකාශ කර තිබිණ. ඒ අනුව ගාල්ල, රත්ගම, කන්දේගොඩ ප්‍රදේශයෙන් අත්අඩංගුවට ගත් මෙම හෙරොයින් මත්ද්‍රව්‍ය තොගය සැකකාර නාකොටික් නිලධාරීන් විසින් පොඩි ලැසී නමැත්තා වෙත විකුණන ලද ඒවා බවට සැකකරන බව ද අපරාධ පරීක්ෂණ දෙපාර්තමේන්තු ආරංචි මාර්ග සඳහන් කරයි.
මෙම සැකකාරිය මෙම නිවසේ සිට පොඩි ලැසී නමැත්තාගේ මත්කුඩු ජාවාරම සහ ඒ මගින් උපයාගත් මුදල් කළමනාකරණ කටයුතු සිදුකර ඇති බවද පොලිස් ආරංචි මාර්ග කියයි. ඇයගේ නමින් ගිණුමක් නොමැති වුවද ඇය වෙනත් අයගේ නම් වලින් ගිණුම් ආරම්භ කරගෙන මෙම මුදල් කළමනාකරණ කටයුතු සිදුකර ඇති බවත් එම ගිණුම්වල රුපියල් කෝටි 30-40ක් පමණ මුදලක් ඇති බවට සැකකරන බවත් පොලිසිය කියයි. අත්අඩංගුවට ගන්නා අවස්ථාවේ සැකකාරිය සතුව රුපියල් 50,000කට අධික මුදලක් තිබී ඇත. සැකකාරිය ප්‍රදේශයේ පෙනීසිට ඇත්තේ සැමියා විදේශගතව සිටින ධනවත් කාන්තාවක වශයෙන් බවද පොලිසිය පවසයි. සැකකාරිය මුදල් කළමනාකරණ කළ අන්සතු ගිණුම් කිහිපයක තොරතුරු හෙළිවී ඇති අතර ඒවා හඳුනාගැනීම සඳහා පොලිසිය පරීක්ෂණ ආරම්භ කර ඇත.
