සම්බන්ධයෙනේ විශේෂ විමර්ශනයක් ආරම්හ කර ඇතැයි පෑලියගොඩ පොලීසිය කොළඹ අතිරේක මහේස්ත්‍රාත් ආර්.බී. නෙලුම්දෙණිය මහතා වෙත ඊයේ (17) කරුණු වාර්තා කර ඇත. මෙම පාතාල ක්‍රියාකාරිකයින් බන්ධනාගාරය තුළ සිටිමින් මනුෂ්‍ය ඝාතන සිදුකිරීම්, දේපළ කොල්ලකෑම්, කප්පම් ලබාගැනීම් සහ මත්ද්‍රව්‍ය ජාවාරම් සිදුකරන බවට ලද බුද්ධි තොරතුරු මත මෙම විමරශනය ආරම්භ කර ඇතැයි පෑලියගොඩ පොලීසිය අධිකරණයට කරුණු වාර්තා කර තිබේ.
ලසන්ත සංජීව නමැති සැකකරු පාතාල ක්‍රියාකාරිකයකු වූ "මයියා" යන අය ඝාතනය කිරීමේ සිද්ධියක් සම්බන්ධයෙන් පිළියන්දල පොලීසිය මගින් අත්අඩංගුචට ගෙන කැස්බෑව මහේස්ත්‍රාත් අධිකරණය මගින් බන්ධනාගාර ගත කර ඇති අතර ඔහු මේ වන විට කළුතර බන්ධනාගාරයේ රදවා තබා ඇති බවද පොලිසිය අධිකරණයට කරුණු වාර්තා කර තිබේ. මෙහි දොඩන්දුව වඩුගේ කැලුම් ඉන්දික සම්පත් නොහොත් "කැවුමා" යන අය මාකඳුරේ මධුෂ් නමැත්තාගේ ගෝලයකු වශයෙන් සිට මහරගම ප්‍රදේශයේදී රුපියල් කෝටි 5කට අධික වටිනාකමකින් යුතු දියමන්තියක් කොල්ලකෑමේ සිද්ධියක් සම්බන්ධයෙන් පිළියන්දල පොලීසිය මගින් අත්අඩංගුවට ගෙන මේ වන විට බූස්ස බන්ධනාගාරයේ රඳවා ඇති සැකකරුවකු බවද සඳහන් වෙයි. ඒ අනුව මෙම සැකකරුවන් සම්බන්ධයෙන් විශේෂ විමර්ශනයක් ආරම්භ කර ඇති බව පොලිසිය අධිකරණයට කරුණු ඉදිරිපත් කර තිබිණි.
-නිමන්ති රණසිංහ-
