එජාප උප නායක රවී කරුණානායක, ජාතික සංවිධායක නවින් දිසානායක හා වජිර අබේවර්ධන යන මහත්වරුන් නායකත්වය සඳහා තම තමන් සුදුසු බව ඔවුන් විසින්ම හදුන්ව දෙමින් සිටින අතර අබේවර්ධන
මහතා ගාල්ල මැතිවරණ කොට්ටාශයේ එජාප බල මණ්ඩලය කැඳවා මේ සම්බන්ධයෙන් යෝජනාවක් ද සම්මත කරගෙන තිබේ. ඊට අමතර ජාතික ලැයිස්තු මන්ත්‍රී ධුරය ද අබේවර්ධන මහතාට ලබා දෙන ලෙස ද එහිදී යෝජනා සම්මත කොට තිබේ.
මේ කිසිවෙකුටත් පසුගිය පාර්ලිමේන්තු මැතිවරණයේදී මන්ත්‍රී ධූරයක් අත්පත් කර ගැනීමට නොහැකි විය.
අද (10) සවස සිරිකොත පක්ෂ මුලස්ථානයේ පැවැත්වීමට නියමිත කෘත්‍යාධිකාරී මණ්ඩල රැස්වීමේ දී පක්ෂ නායකත්වය ගැන මෙන්ම ජාතික ලැයිස්තු මන්ත්‍රී ධූරය ඇතුළු වැදගත් කරුණු කිහිපයක් පිලිබඳ සාකච්ජා කිරීමට නියමිතය.
