තිබේ. සිය සැමියා දරුවා සහ තමා අතහැර ගොස් සිටින නිසා ජීවත්වීමට මඟක් නොමැති බව පවසමින් ඇය හිගාකෑමේ යෙදෙන බව පොලීසිය පවසයි. හිගාකෑමෙන් උපයාගත් බව කියන රුපියල් 800ක පමණ මුදලක්ද සැකකාර කාන්තාව ළඟ තිබී පොලිස් බාරයට ගෙන ඇත. පැයක් වැනි කාලයක් තුළ මෙම මුදල තමා හිඟා කා සොයාගත් බව යාචක කාන්තාව පොලීසියට පවසා ඇති බව කියති.
ඇය පළමු විවාහයේ සැමියා අතහැර දමා වෙනත් පිරිමියකු සමග අනියම් සම්බන්ධතාවක් පවත්වාගෙන ගිය බවත් ඔහුට දාව ඇයට ගැහැනු දරුවකු ලැබී ඇති බවත් ඇයගේ පියා කළ පැමිණිල්ලේ වැඩිදුරටත් සඳහන් වන බව එම ජ්‍යෙෂ්ඨ පොලිස් නිලධාරියා කීය.
අනියම් සැමියාගේ මාර්ගයෙන් දියණිය හොරොයින් පානය කිරීමට ඇබ්බැහි වූ බවත් ඇයගේ එම අනියම් සැමියා මේ වනවිට හෙරොයින් ළඟ තබාගැනීම සම්බන්ධයෙන් චෝදනා ලැබ රිමාන්ඩ් බාරයේ පසුවන බවත් පියා පොලීසියට පවසා ඇත. දියණියගේ මාස 08 ක් පමණ වයසැති දැරිය වඩාගෙන ගොස් හිගා කා උපයා ගන්නා මුදලින් හෙරොයින් පානය කරන නිසා ඇයට එරෙහිව නීතිය ක්‍රියාත්මක කරන ලෙසට පියා කර තිබූ ඉල්ලීමක් මත වැටලීමක් සිදුකර සැකකාර කාන්තාව අත්අඩංගුවට ගත් බව පොලීසිය පැවසීය.
සැකකාර කාන්තාවගේ සිඟිති දියණියද මේ සමග පොලිස් බාරයට ගනු ලැබුවාය. වසර 04ක පමණ කාලයක සිට මෙම සැකකාර කාත්තාව හෙරොයින් මත්ද්‍රව්‍යවලට ඇබ්බැහිවී සිටින බව පරීක්‍ෂණවලින් පෙනී ගිය බවද පොලීසිය සඳහන් කරයි
-ශ්‍රීනාත් ප්‍රසන්න ජයසුරිය-
