රුසියාවේ වෛද්‍ය විද්‍යාල තුනක වෛද්‍ය උපාධි පාඨමාලාවලට ලබාදී තිබූ අනුමැතිය අවලංගු කිරීමට ශ්‍රී ලංකා වෛද්‍ය සභාව කටයුතු කරගෙන යයි. රුසියානු ජනතා මිත්‍රත්ව සරසවිය, පිරගොෆ් පර්යේෂණ වෛද්‍ය
සරසවිය සහ ත්වේරි රාජ්‍ය වෛද්‍ය විද්‍යා සරසවිය යන විශ්වවිද්‍යාලවල වෛද්‍ය උපාධිය මෙතෙක් පිළිගනු ලැබූ අතර මින් ඉදිරියට එම පිළිගැනීම අවලංගු කිරිමට නියමිත බව ද ශ්‍රී ලංකා වෛද්‍ය සභාව සඳහන් කරයි. එම විශ්වවිද්‍යාලවල උපාධි පාඨමාලා සහ සායනික පුහුණුව සහ වෙනත් පහසුකම් ගැන පරික්ෂාකර ඒවායේ පවතින අඩුපාඩු හේතුවෙන් එම උපාධි පාඨමාලා නොපිළිගත යුතු බවට විද්වත් කමිටුවක් මගින් ශ්‍රී ලංකා වෛද්‍ය සභාවට නිර්දේශ ඉදිරිපත් කර ඇති බව ද ආරංචිමාර්ග සඳහන් කරයි.
එහෙත් උසස් පෙළ අසමත් සිසුන්ට පවා වෛද්‍ය උපාධියක් ලබාදෙන විදෙස් විශ්වවිද්‍යාල ගැන සලකා ඒවාට දැනට ලබා දී ඇති අනුමැතිය අහෝසි කිරීමට ශ්‍රී ලංකා වෛද්‍ය සභාවට කටයුතු කළ හැකි යැයි ද එම නඩු තීන්දුවේ සඳහන් වන බව ද හෙතෙම පැවැසීය. එම රුසියානු වෛද්‍ය විද්‍යාලවලට ලබා දී ඇති අනුමැතිය අවලංගු කළ ද මේ වනවිට එම විශ්වවිද්‍යාලවල වෛද්‍ය උපාධිය හදාරමින් සිටින සිසුන්ට එය බලනොපාන බව ද එම ප්‍රකාශකයා කීය. සෝවියට් සමූහාණ්ඩුව පැවැති සමයේ ලුමුම්බා සරසවිය ලෙස ද හඳුන්වනු ලැබුවේ මහජන මිත්‍රත්ව සරසවිය වේ.
-රංජන් කස්තුරි-
