ඉන්දීය නිළි සරීනා වහබ් කොවිඩ් -19 හට පරීක්‍ෂණයක් කර ඇති අතර නව වාර්තා වලට අනුව ඇයට කොරෝනා වැළඳී ඇතැයි හඳුනාගැනීම නිසා ඇයව මුම්බායි රෝහලකට ඇතුළත් කර තිබේ. මුම්බායිහි
ලිලාවතී රෝහලේ කොවිඩ් -19 සඳහා ප්‍රතිකාර ලැබූ ඇයට රෝහල්ගත වීමට පෙර එහි රෝග ලක්ෂණද තිබූ බව වාර්තා වේ.
ලිලාවතී රෝහලේ වෛද්‍ය ජලීල් පාකර් මෙම පුවත සනාථ කරමින් ටයිම්ස් ඔෆ් ඉන්ඩියා වෙත පවසා ඇත්තේ සරීනාට සන්ධි වේදනා , තෙහෙට්ටුව සහ උණ වැනි රෝග ලක්ෂණ ඇති වී තිබූ බවත් ඇය රෝහල්ගත වන විට ඇගේ ඔක්සිජන් මට්ටම ද අඩු වී තිබූ බවත්ය. නමුත් ඇය දැන් සුව වී ගෙදර ගොස් ඇති බවද එම වෛද්‍යවරයා පවසා ඇත. සරීනා මේ වන විට නිවස තුළ ස්වයං නිරෝධායනය වෙමින් සිටින බවද වාර්තා වේ.
දීෂා සාලියන්ගේ මරණය සම්බන්ධයෙන් සරීනාගේ පුත් සූරාජ් පංචෝලිගේ නාමයද ප්‍රවෘත්තිවල නිරන්තරයෙන් කියැවුණි. නමුත් සිය පුතා වෙනුවෙන් පෙනී සිටි සරීනා බොලිවුඩ් සම්මුඛ සාකච්ඡාවකදී පවසා ඇත්තේ අගුලු දැමීමේ කාලය තුළ මිනිසුන්ට දැඩි නිදහසක් ලැබුණු බවත් ඔවුන් ඕනෑම අයෙකු ගැන ඕනෑම දෙයක් ප්‍රචාරය කිරීමට එම කාලයේදී කටයුතු කළ බවත්ය. එබැවින් ඔවුන් අතීත සිදුවීම් සම්බන්ධ කරමින් විවිධ අසත්‍ය පුවත් ප්‍රචාරය කරන බවද පවසන ඇය සූරාජ් පංචෝලි ඇයව එම කාලය තුළදී කිසිලෙසකින්වත් මුණගැසී නැති බව තවමත් මිනිසුන් විශ්වාස නොකරන බවත් පවසා ඇත.
එමෙන්ම එහිදී වැඩිදුරටත් කරුණු පැහැදිලි කර ඇති ඇය පවසා ඇත්තේ දීෂා සූරාජ්ගේ මිතුරෙකු බවත්, ඕනෑම අයෙකු ගැන ඕනෑම දෙයක් ගැන අදහස් දැක්වීමට ඕනෑම අයෙකුට හැකි නමුත් ඒවා සියල්ල සත්‍යය නොවන බවත්, නිසැකවම සත්‍ය එළියට එනු ඇති අතර වැරදිකරුවෙකුට 100% ක් දඬුවම් කළ යුතු බවත්ය.
රිෂ්මි ඉෂාරා
