තිබේ. ඒ අනුව මෙම අලුත උපන් දරුවන්ගේ සිරුරු තුළ ප්‍රතිදේහ නොමැති වුවත්, ඔවුන්ගේ සෛල වෙත මෙම වෛරසය ආසාදනය වී ඒවා වර්ධනය වීම මෙම මවුකිරි නිසා වැළකෙන බව මෙහිදී හඳුනාගෙන ඇත.
එහිදී වඩාත් නිරෝගී සෛල කිහිපයක් ඔවුන් එම මවුකිරි සමඟ මිශ්‍ර කර ඇති අතර, පසුව එම මවුකිරි සෝදා ඉවත් කර ඇත. අනතුරුව එම සෛල වෛරසය වෙත නිරාවරණය කර තිබේ. ඒ අනුව කිසිවිටෙකත් එම වෛරසය සෛල සමඟ බැඳීමක් නොදැක්වූ බවත්, ඊට අමතරව එම වෛරසය සෛල වෙත ඇතුළුවීමක් හෝ ඒ තුළදී තවත් වෛරස ගුණනය කරගැනීමක් හෝ සිදු කිරීමටත් අවස්ථාවක් නොලැබුණු බවත් පර්යේෂකයන් පවසයි.
තමන්ගේ මෙම සොයාගැනීම ලෝක සෞඛ්‍ය සංවිධානය මඟින් දැනට සිදුකර ඇති නිර්දේශ කිරීම් හා සහාය දක්වන බවත්, මෙම COVID-19 වසංගතයත් සමඟ මවුවරුන් තුළ තම දරුවන් වෙත මවුකිරි දීම පිළිබඳව උනන්දුවක් ඇති කරවන බවත් ඔවුන් වැඩිදුරටත් පවසා සිටියි.
