අත්අඩංගුවට ගත් බව ගල්කිස්ස පොලිසිය කියයි. සිද්ධියෙන් අනතුරුව ධනංජය සිල්වාගේ සොයුරාට තර්ජනය කළ බව කියන පැමිණිලිකරු සහ ඔහුගේම සොහොයුරා ද එදිනම 5 රාත්‍රී අත්අඩංගුවට ගත් බව පොලිසිය කියයි.
සැකකරුවන් තිදෙනාම පොලිස් ඇප මත මුදා හැරිමට ඊයේ (6) කටයුතු කළ බවත් අද (7) ගල්කිස්ස මහේස්ත්‍රාත් අධිකරණය ඉදිරියේ පෙනී සිටින ලෙස දැනුම් දීමටත් පියවර ගත් බව පොලිස් නිලධාරියෙක් පැවැසීය. ගල්කිස්ස කොට්ඨාස බාර ජ්‍යෙෂ්ඨ පොලිස් අධිකාරි රොහාන් ප්‍රේමරත්න, පොලිස් අධිකාරි සමන්ත වෙදගේ මහත්වරුන්ගේ උපදෙස් මත ගල්කිස්ස මූලස්ථාන ප්‍රධාන පොලිස් පරික්ෂක දිලිප සී. පෙරේරා, සුළු පැමිණිලි අංශයේ ස්ථානාධිපති පොලිස් පරික්ෂක එස්.යූ. තෙන්නකෝන් මහත්වරු පරික්ෂණ පවත්වති.
