ශ්‍රීමත් ඩේවිඩ් ඇටෙන්බරෝ දශක ගණනාවක පටන්ම රාජකීය පවුලේ සමීප මිතුරෙකි. ඔහු රජපවුල හමුවූ අවස්ථාවක
පසුගියදා විලියම් කුමරු සහ කේට් මිඩ්ල්ටන් ඇතුළු සමස්ත කේම්බ්‍රිජ් කාර්ය මණ්ඩලයේ සියලු දෙනාම නිල් පැහැයට හුරු වස්ත්‍රයන්ගෙන් සැරසී සිටි නව ඡායාරූපයක් රූපවාහිනී විකාශකයන් සහ පරිසරවේදීන් සමඟ බෙදාගෙන තිබුණි.
කණ්ඩායම් ඡායාරූපයට අමතරව, විලියම් කුමරු සහ ඔහුගේ පුතුන් දෙදෙනා වන ජෝර්ජ් කුමරු සහ ලුවී කුමරුන් සිටින දුර්ලභ ඡායාරූපයක්ද මොවුන් බෙදාගෙන තිබුණි. චාලට් කුමරියට ශ්‍රීමත් ඩේවිඩ් ඔවුන් පටුපස නිරන්තරයෙන් සිටීම විශාල සතුටක් බව ඡායාරූපයෙන් හෙළි වේ. නමුත් ඔහු සැබවින්ම පැමිණ ඇත්තේ ඇගේ වැඩිමහල් සහෝදරයා වන ජෝර්ජ් කුමරුට තෑග්ගක් ලබාදීම සඳහායි.
ශ්‍රීමත් ඩේවිඩ් විසින් ජෝර්ජ් කුමරුට මෙසේ ලබා දී ඇත්තේ යෝධ මෝරෙකුගේ දතකි. එහි විද්‍යාත්මක නාමය carcharocles megalodon ය.
ඩේවිඩ් 1960 දශකයේ අගභාගයේදී සිය පවුලේ පිරිස සමඟ නිවාඩුවක් සඳහා මෝල්ටාවට ගිය අවස්ථාවකදී මෙම දත සොයාගෙන තිබේ. මෙය මීට වසර මිලියන 23 කට පමණ පෙර මයෝසීන් යුගයේදී තිබූ මෘදු කහ හුණුගල් වල තැන්පත්ව තිබී ඇති අතර අද ජීවතුන් අතර සිටින විශාලතම මෝරාගේ දත් මෙන් දෙගුණයක් මෙය දිග බවද ඔවුන් පවසයි.
